cum omnibus pertinenciis eorumdem, quibus erant sibi statuta, nobis et nostris heredibus, ac successoribus reddidit et restituit, pleno iure, nichil iuris nichilque proprietatis sibi et suis heredibus in ipsis castris Strigow et Chaakturnya, eorumque iuribus et pertinenciis universis, deinceps reservando. In cuius rei memoriam et firmitatem perpetuam, presentes eidem concessimus litteras, dupplicis autentici sigilli nostri appensione communitas. Datum, per manus venerabilis viri magistri Tathamerii, Albensis ecclesie prepositi, aule nostre vicecancellarii, dilecti et fidelis nostri, quarto Nonas Junii, anno Domini millesimo tricentesimo tricesimo quarto.[210] Venerabilibus in Christo patribus et dominis Chanadino Strigoniensi, fratre Ladislao Colocensi, aule nostre cancellario, archiepiscopis; Nicolao Jauriensi, Ladislao Quinqueecclesiensi, Andrea Transsiluano et altero Andrea Waradiensi, Ladislao Zagrabiensi, Nicolao Agriensi, Meskone Nittriensi, fratre Rodolpho Waciensi, fratre Paulo Albensi de Nandor et Jacobo Chanadiensi ecclesiarum episcopis, ecclesias Dei feliciter gubernantibus; Wesprimiensi autem et Syrimiensi, ac Boznensi sedibus vacantibus. Magnificis barronibus Wyllerrao Drwgeth palatino, comite Zepsiensi et de Wywar; Demetrio magistro thavarnicorum nostrorum; Thoma wayuoda Transsiluano et comite de Zonuk; comite Paulo, Simonis filio, iudice curie nostre; Mykch bano tocius Sclauonie; Johanne bano de Machou; Paulo magistro thavarnicorum dominc regine, consortis nostre carissime; Dionisio daphiferorum nostrorum, Stephano agazonum nostrorum magistris, ac Nicolao comite Posoniensi, aliisque quam pluribus, regni nostri comitatus tenentibus et honores.
Sigillum exteriori margini fuit appressum. – E transsumpto Uladislai II. regis a. 1504. concesso. – Orig. in charta, in Arch. Primat. Secul. Lad. Q. nr. 30. – Edid. Fejér: Cod. Dipl. VIII/3. 722.

359.
1334. (Esztergom.) 4. Junii. – Capitulum Strigoniense, Carolo I. regi, seriem reambulationis metarum, statutionisque possessionis Gyarmath, rescribit.
Tenorem vide sub. nr. 360.

360.
1334. Visegrád. Post 4. Junii. – Carolus I. rex, statutionem possessionis Gyarmath, in comitatu Strigoniensi existentis, ad mandatum Elisabethae reginae, pro Thoma et Paulo factam, transscribit et confirmat.
Nos Karolus, Dei gracia rex Hungarie, memorie commeridantes tenore presencium significamus, quibus expedit universis: quod Thomas et Paulus, filii Jacobi, speciales aule nostre tawarnici, ad nostram accedentes presenciam quasdam litteras rescripcionis capituli ecclesie Strigoniensis, super reambulacione et distinccione metarum possessionis, seu terre reginalis Gyarmat vocate, in coraitatu Strigoniensi prope Danubium existentis, nostre destinatas maiestati, nobis exhibendo presentarunt, petentes nos humili cum instancia, ut tenorem dictarum litterarum, presentibus nostris litteris patentibus, de verbo ad verbum transscribi faciendo, ad uberiorem cautelam et iuris eorum tuciorem conservacionem, consignacione nostri sigilli clementer confirmare dignaremur. Quarum tenor talis est:
Excellenti et magnifico principi, domino suo Karolo, Dei gracia inclito regi Hungarie, prepositus et capitulum ecclesie Strigoniensis, oraciones in Domino,

[210] 1334. 2. Jun.