358.
1334. – 2. Jun. – Carolus I. rex, castra Strigo et Csáktornya, magistro Donch comiti Zoliensi, pro castro Árva donata, ad petitionem eiusdem, cum castro Komárom, permutat.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque rex, princeps Sallernitanus et Honoris, montis sancti Angeli dominus. Omnibus Christi fidelibus, presentibus pariter et futuris, noticiam presencium habituris, salutem in omnium salutis largitore. Cum benemeritis favor debitus impenditur et sinus dileccionis panditur, fideliterque obsequendo digna merces redditur, Deus placare creditur et subditi ad fidelitatis opera exercenda facilius invitantur accedunturque, sub spe et desiderio retribucionis amplioris. Proinde ad universorum, tam presencium quam futurorum noticiam volumus pervenire: quod cum nos nobili viro magistro Donch, filio Dominici, comiti de Zolio fideli nostro, mediantibus litteris honorabilium virorum capituli scilicet ecclesie Strigoniensis privilegialibus, in permutacionem castri Arwa nuncupati, quod idem nobis et nostris heredibus, sive successoribus restituit et reliquit, cum toto districtu eiusdem et suis pertinenciis universis, ac singulis perpetuo possidendum, tenendum pariter et habendum, quedam castra nostra Strigow et Chaakturnya nominata, inter fluvios Drawa et Mura habita et situata, similiter cum suis districtibus et pertinenciis universis, ac tenutis ad easdem spectantibus, dedissemus et tradidisseraus perpetuo, in filios filiorum eiusdem possidenda; que quidem castra idem, pleno iure sibi statuta, pluribus diebus titulo dicte permutacionis habuisset et tenuisset. Tandem idem magister Donch, ad nostram accedendo presenciam, exposuit nobis humiliter supplicanda, quod castrum nostrum Kamarun nuncupatum, in comitatu de Kamarun, in insula Danubii habitum, propter hoc, ut ipse ad nos in curia nostra proprius fieri possit et debeat, ac sua nobis fidelia servicia magis continue erga nos existencia commodius valeat frequentare, sibi magis utile quam predicta castra Strigow et Chaakturnya vocata, ut premittitur in permutacionem castri Arwa nominati, per nos sibi data, fore inspexisset et pariter estimasset, petens ut predictum castrum nostrum Kamarun vocatum in permutacionem iam dictorum castrorum Strigow et Chaakturnya dare sibi, de benignitate regia dignaremur. Itaque nos peticionibus eiusdem favorabiliter inclinati, tam predicta consideracione, ea videlicet, ut idem magister Donch in curia nostra existat et resideat, ac nobis commodius valeat famulare, quam pro suis serviciis, quoniam debemus cuiuslibet f[ide]lium nostrorum servicia attendere et ipsis pro eisdem serviciis esse favorabiles et pariter graciosi, predictum castrum nostrum Kamarun vocatum, cum omnibus suis utilitatibus et pertinenciis, villis scilicet, tributis, piscinis sive piscaturis et aliis universis et singulis iuribus, rite et iuste ad ipsum castrum, salvo iure alieno, sub metis terminis et limitacionibus antiquis spectantibus et pertinentibus, eidem magistro Donch, qui ipsum castrum Kamarun sibi fore, ut predicitur, magis utile quam castra predicta allegabat, et a nobis ei dari instantissime, propter causas predictas postulabat dedimus, tradidimus et contulimus, iure perpetuo et irrevocabiliter, in filios filiorum eius et heredes possidendum, tenendum pariter et habendum; predicto tamen comitatu Kamariensi nobis et nostris heredibus, sive successoribus reservato. E converso quidem idem magister Donch in permutacionem dicti castri Kamarun, supradicta castra Strigow et Ghaakturnya,