regis Stephani in Wyhel existentibus, quemquidem pratum, ab aliis pratis, per has metas separatur, videlicet in parte orientali ultra fluvium dicti Budrugh in rectitudine et accentu (sic!) est quedam villa, Bereck vocata, et ex ista parte fluvii, in parte meridionali iuxta magnam viam, que tendit versus villam Agoch, que fluvio proprius adjacens ex ista parte eiusdem vie prope est quedam arbor pyri, cuius vaditus et raccitudo (sic!) vadit versus occidentalem ad magnam silvam, Lungh vocatam, et inde se movendo erga eandem silvam egreditur ad partem septemtrionalem et vertit se ad quandam arborem magnam pupulus, in Wlgarico Naarfa uo vocatam (sic!), que est in dicta silva, per spacium competentem, et inde tendit se iterum in partem orientalem versus eandem magnam viam, et ipsam transiendo cucurrit ad quendam arborem similiter pupulus vocatam, que est in portu sepedicti fluvii Budrugh vocati, et ibi difinitur, ac ad invicem mete per hanc formam determinatur pariter cum una pysscina, Coachy vocata, que est in parte meridionali ville, Bursy vocate, quam quidem pysscinam eiusdem portus circumdat in modum suarum metarum et excludit, omni sua utilitale et sibi attinenciis spontanea nostra et propria voluntate dedimus, donavimus et contulimus, tenendam, possidendam pariter et habendam; quamquidem nostram donacionem alicuius temporis processu, per aliquem successorum nostrorum revocari et habere niteretur patris omnipotenis Dei mereatur habere malediccionem infinalem (sic!); et ut eciam huiusmodi in perpetuum et irrevocabiliter perseveret donacio, ne per quem piam revocetur, presentes nostras concessimus, pendenti sigilli nostri munimine roboratas. Datum, in Wyheluara, dominica die proxima ante festum purificacionis Virginis Gloriose, anno ab incarnacionis Domini M-o CCC-o XXX-mo quarto.
Orig. membran., valde negligenter confect. et charact. script. cod. consimili exarat., in arch. Capituli Strigoniensis Priv. Capsa August. R.

352.
1334. (Esztergom.) 20. Mart. – Conventus Cruciferorum de Strigonio, Mikocsa, nobilem possessionem suam in Csév, Stephano castellano de Visegrád, donasse testatur.
Nos conventus cruciferorum, domus hospitalis ecclesie sancti regis Stephani de Strigonio, significamus tenore presencium, quibus expedit universis: quod Mykoucha, filius Eleek, nobilis de Chew, ad nostram personaliter accedendo presenciam, dixit et confessus, (emansit: est) oraculo vive vocis, quandam possessionem suam Chew vocatam, ipsum hereditario iure contingentem, excepta terra arabili ad unum aratrum sufficienti, et una vinea in dicta possessione (expunct.: poss) sita, in comitatu Strigoniensi (sic!) existenti, dedisse, donasse et contulisse, ymo dedit, donavit et contulit, nobili viro magistro Stephano, castellano de Wyssegrad, coram nobis, et per ipsum magistrum Stephanum suis heredibus, heredumque suorum successoribus, iure perpetuo possidendam, tenendam pariter habendam, nullo penitus contradictore apparente, nostri in presencia; tali condicione interposita, quod ipse Mykoucha, dictam terram arabilem ad unum aratrum sufficientem, usque suam vitam pacifice possidebit, mortuo autem ipso ad manus eiusdem comitis Stephani similiter perpetuo possidenda devolveretur; prefatam vero vineam suam dictus Mycoucha, in ultimo suo testamento, liberam habebit legandi cuicunque voluerit facultatem. In cuius rei