verissimiliter formidans indebite molestari. Quare nos instanter requisivit, quatenus ad execucionem predicte littere, cum nunc locus existat, ut dicti mandati apostolici, nobis directi, ut tenemur, procedere dignaremur. Cuius tenor talis est:
Sequitur mandatum Innocentii PP. IV. a. 1251.[209], ut nullus delegatus, – absque speciali mandato apost. sedis, – possit in eccl. Strigoniensem excommunicationis sententiam promulgari. Edit. ex hoc ipso trans. in T. I. p. 420. nr. 549.
Nos igitur, apostolicum mandatum nobis in hac parte commissum, exequi volentes, ut tenemur iure subiectivo, vos auctoritate apostolica predicta, et coniunctim et divisim, primo, secundo et tercio, ac peremptorie, sub interdicti, suspensionis et excommunicacionis penis, ammonicione canonica premissa inducimus, vobis inponentes in virtute sancte obediencie, quatenus in predictum dominum archiepiscopum Strigoniensem, eiusque capitulum ac ecclesiam suam, contra formam dicti mandati apostolici, nullas interdicti, suspensionis vel excommunicacionis sentencias, tanquam mandatorum domini Proci, prepositi de Chernowans promulgetis, et promulgatas, tanquam mandatorum apostolicorum ignari, infra sex dierum spacium, postquam ad vestram noticiam pervenerit, tenore et auctoritate presencium, quorum dierum duos pro primo, duos pro secundo, et reliquos duos pro tercio et peremptorie terminis, monicione canonica premissa, ut est premissum, (expunct.: stu) assignamus, studeatis revocare et ed statum pristinum reducere. Quod si forte premissa, infra dictum tempus seu spacium facere non curaveritis, et mandata nostra, ymo verius apostolica, contempseritis adimplere, predictas sentencias non removendo seu revocando: vos, predicta canonica monicione in hys scriptis ex nunc, prout ex tunc premissa, excommunicacionis sentencia innodamus, contra vos et alios, qui predictis mandatis apostolicis obviarent, gravius processuri, trainite iuris observato, ut equitas iuris suadebit. Absolucionem huiusmodi obviacionis vestre et omnium illorum, qui predictas nostras sentencias incurrerint, nobis vel superiori nostro tantummodo reservantes. In quorum testimonium et certitudinem pleniorem nos, predicti abbates, sigilla nostra duximus presentibus apponenda. Actum et datum.
Datum deest, a tergo tamen adnotatur annus 1333. – Sigillum ovale e zona membr. pendens praelatum stantem exhibet, perigraphe detritum. Aliud sigillum avulsum. Orig. membr., in Arch. Cap. Strig. Priv. Lad. 44. fasc. 1. nr. 8 et in Arch. Primat. Eccl. Vet. nr. 13.

351.
1334. Ujhelyvára. 30. Jan. – Magister Johannes, filius Babonigh, tavarnicorum magister, pratum quoddam suum iuxta Bodrog situm, claustro S. Stephani in Ujhely O. B. August. donat.
Nos magister Johannes, filius Babonigh, olym banus tocius terre Sclauonie et tawarnicorum magister, serenissime regine Elysabeth Dei gracia Hungarie, memorie commendantes tenore presencium significamus, quibus expedit universis, quod cum nos ob reverenciam Omnipotentis et matris eius Virginis Marie, ac ad laudem et honorem beatissimi Augustini confessoris, ob remedium anime patris et matris nostre, pariter et pro salute nostra (sic!) anime, una cum nostrorum filiorum et pro illis animabus remedium expectancium, quoddam pratum nostrum ex ista parte fluvii Budrugh vocati sitam (sic!) et habitum, fratribus in Christo reverentibus ordinis beati Augustini, in claustro sanctissimi

[209] 1251. 2. Oct.