reversi nobis concorditer retulerunt: quod sicut a nobilibus et aliis comunibus hominibus comitatus Borsiensis, et specialiter vicinis et commetaneis ville dicti monasterii, Koachy vocate, palam et occulte scire et inquirere veridice potuissent, talem de premissa inquisicione investigassent veritatem: Quod Petrus comes, frater Bors de Nemchen, propria auctoritate, tempore Mathei de Trinchinio et ipsius potencie, per famulos et iobagiones suos de eadem, unam de principalibus metis prenotati monasterii sancti Benedicti, que predictas (expunct.: metas) possessiones, suam Nemchen et monasterii Koachy, a se invicem separabat, subfodiendo, ac perarando demoliri et destrui fecisset, et post mete ipsius destruccionem, contra prohibicionem eiusdem domini Seueridi abbatis monasterii sancti Benedicti et sui conventus, auctoritate regia legittime factam, magnam terre quantitatem, intra predictam metam existentem, potencialiter excisam et distractam occupasset, suo et suorum iobagionum usui eandem applicando, in preiudicium ipsius monasterii sancti Benedicti non modicum et iacturam. Cuius eciam mete destruccionem se vidisse retulerunt fide occulata. Datum, in vigilia festi beati Bartholomei apostoli, anno Domini M-o CCC-o XXX-mo tercio.
Extus: Domino regi, pro domino fratre Seurido abbate monasterii sancti Benedicti de iuxta Goron et suo conventu, contra comitem Petrum, fratrem Bors de Nemchen, super principalis mete destruccione et particula terre, intra eandem metam habite, occupacione, ad possessionem eiusdem monasterii, Koachy vocata, pertinente, inquisitoria. – Subtus: Strigon. – Sigillum extenori margini fuit appressum. – Orig. membr., in Arch. Capit. Strigon. Priv. Lad. 2. fasc. 1. nr. 7.

346.
1333. (Zobor.) 1. Sept. – Inquisitoriae conventus de Zobor, super destructione metarum possessionis Kovácsi, ut supra.
Excellentissimo domino Karolo, Dei gracia regi Hungarie, domino suo illustri, conventus monasterii beati Ipoliti martiris de Zuburio, oraciones in Domino continuas et devotas. Litteris vestre excellencie generalibus inquisitoriis, pro domino Syffrido, abbate monasterii sancti Benedicti de iuxta Goron et suo conventu, reverencia qua decuit receptis, cum Salomone de Hynd, homine vestre celsitudinis, fratrem Johannem sacerdotem de conventu nostro, iuxta vestrum mandatum hominem nostrum, ad faciendum inquisicionem infrascriptam, pro testimonio duximus transmittendum. Qui demum ad nos reversi, nobis concorditer retulerunt: quod sicut a nobilibus et aliis comunibus hominibus comitatus Borsiensis, et specialiter vicinis et commetaneis ville dicti monasterii, Kouachy vocate, palam et occulte scire et inquirere veridice potuissent, talem de premissa inquisicione rescivissent veritatem: quod comes Petrus, frater Bors de Nemchen, propria auctoritate, tempore Mathei de Trinchinio et ipsius potencie, per famulos et iobagiones suos de eadem, unam de principalibus metis prenotati monasterii sancti Benedicti, que predictas possessiones suam Nemchen et monasterii Kouachy a se invicem separabat, subfodiendo ac perarando, demoliri et destrui fecisset, et post mete ipsius destruccionem, contra prohibicionem eiusdem domini Syffridi abbatis monasterii sancti Benedicti et sui conventus, auctoritate regia legitime factam, magnam terre quantitatem, intra predictam metam existentem, protencialiter excisam et distractam occupasset, suo et suorum iobagionum usui eandem applicando, in preiudicium ipsius monasterii sancti Benedicti non modicum