iuramenti occurrente, prenominati Alarch, filius Benk, pro se personaliter, et dominus Theophylus prepositus pro ipso capitulo Strigoniensi, cum sufficientibus procuratoriis litteris eiusdem capituli, ad nostrum iudiciarium accedentes conspectum, litteras pluries dicti capituli Budensis nobis demonstrarunt, quarum continencie in predicta quinta feria proxima post octavas beate Margarete virginis et martiris,[207] discretum virum, magistrum Thomam, canonicum sepedicte ecclesie Strigoniensis et rectorem misse altaris Beate Virginis de eadem, presentibus pretactis hominibus domini regis, per partes adductis et magistro Johanne sublectore et fidedigno testimonio memorati capituli Budensis, in facie predictarum metarum astantem, cum duobus nobilibus hominibus sacramentum, regni consuetudine requirente, ipso Alarch ibi personaliter ipsum iuramentum exigente, suo modo deposuisse, declarabant. Unde, quia pretactus magister Thomas, canonicus dicte ecclesie Strigoniensis, memoratas metas veras metas dicte possessionis ipsius Alarch, Nyr vocate, ex parte prelibate possessionis, dicti capituli Strigoniensis, Keztelch nuncupate esse, deposicione iuramenti, iuxta nostram iudiciariam deliberacionem comprobasse, ex tenore premissarum litterarum predicti capituli Budensis, reperiebatur; nec prenominatus Alarch, contra formam earumdem litterarum, seriem ipsius sacramentalis deposicionis exprimencium, quamplurimis requisicionibus nostris exortatus, alicuius contradiccionis velamine se obviaturum fatebatur: ideo, unacum baronibus et nobilibus regni, iudiciario pro tribunali nobiscum assidentibus, pretactas metas pro veris metis dictarum possessionum, sine preiudicio iuris alieni, in perpetuum decrevimus duraturas. In cuius rei memoriam, firmitatemque perpetuam, ne presenti cause, tam debito fine terminate, oblivionis caligo possit in futurum novercari, presentes concessimus litteras nostras privilegiales, pendentis sigilli nostri autentici munimine roboratas. Datum, in Wyssegrad, duodecimo die termini reportacionis seriei iuramenti prenotati, anno Domini Millesimo trecentesimo tricesimo tercio.
Sigillum sat bene conservatum e flavo serico pendet. – Orig. membran., in Arch. Capit. Strigon. Priv. Lad. 28. fasc. 1. nr. 4. – Aliud exemplar in tergo cum notula manus coaev.: Super distinccione metarum possessionis de Kezteluch et Nyr Alardy. – Sigill. e rubro et viridi serico pendet. – Orig. membr., in Arch. ibidem sub nr. 5.

345.
1333. (Esztergom.) 23. Aug. – Capitulum Strigoniense inquisitionem, ad mandatum Caroli I. regis, pro monasterio s. Benedicti, contra Petrum de Bors, in possessione monasterii, Kovácsi vocata, peractam esse, regi rescribit.
Excellentissimo domino suo Karolo, Dei gracia regi Hungarie, capitulum ecclesie Strigoniensis, oraciones in Domino debitas et devotas. Excellencie vestre declaramus per presentes, quod cum receptis litteris vestre celsitudinis generalibus inquisitoriis, pro religioso viro domino fratre Seuerido, abbate monasterii sancti Benedicti de iuxta Goron et suo conventu, per fratrem Michaelem procuratorem eorumdem nobis exhibitis, cum Peteu, filio Anda de Thayna, homine vestro, Johannem sacerdotem de choro nostro, iuxta vestrum preceptum hominem nostrum, ad inquisicionem subscriptam faciendum misissemus pro testimonio. Idem Peteu homo vester, cum predicto homine nostro, tandem ad nos

[207] 1333. 22. Jul.