dicti capituli Budensis, ad octavum diem reportari facere commisissemus, et ipsius reportate seriei discussionem, petentibus partibus, sub forma habende concordie, ad vicesimum secundum diem reversionis domine regine prorogassemum.[203] Demum ipso termio adveniente, pretactus Alarch filius Benk, pro se personaliter, et dominus Theophylus, prepositus ecclesie Strigoniensis, pro capitulo eiusdem ecclesie, cum sufficientibus procuratoriis litteris, ad nostram accedentes presenciam, litteras prenominati capituli Budensis nobis demonstrarant. Quarum series, honorabiles viros pretactum Theophylum prepositum, Ladyzlaum lectotem et Demetrium decanum, nomine et vice ipsius capituli Strigoniensis, presentibus Georgio de Thoh, homine domini regis, et magistro Emerico, clerico chori et testimonio dicti capituli Budensis, in predicta feria tercia post quindenas festi beati Georgii martiris,[204] predictam possessionem Nyr, ex parte possessionis Keztelch, omnibus vicinis et commetaneis earum legittime convocatis, per has metas – incipit prima a parte orientali de quodam monte petroso Vodsumlo vocato, et inde vadit versus occidentem, transit quandam viam, ubi est apparens meta terre; deinde transiens directe ad aliam metam terream, currit adhuc eundo versus eandem plagam ad quendam monticulum, vadit ad terciam metam terream; abhinc descendit ad vallem in fine ville eiusdem Nyr, circa curiam suam, vadit ad quartam metam terream; abhinc descendendo parum, intra sepem et fossam, est quinta meta terrea; abhinc descendendo directe vadit ad quandam arborem piri, deinde descendendo per bonum spacium venit ad unam metam terream, que per Jazones arata fuisset; adhuc descendendo iterum ad bonum spacium, venit ad quendam puteum Beseneukuth vocatum, abhinc descendendo it ad tres metas terreas, quas similiter per Jazones aratas fuisse affirmassent; et inde descendendo ad quandam viam antiquam et ibi terminantur mete terre – , sequestrassc exprimebat. Quas quidem metas, prenominatus Alarch, non esse veras dicte possessionis sue Nyr, coram nobis asserens, quandam particulam de dicta possessione sua Nyr, ad usum unius aratri, extra dictas metas adiacentem, ipsum capitulum Strigoniense occupasse proponebat. Sed quia ipse dominus Theophylus prepositus memoratus, metas veras dicte possessiones Nyr, ex parte memorate possessionis Keztelch separantes esse fatebatur, utraque pars ipsum capitulum Strigoniense in dominio dicte possessionis Keztelch priorem possessorem fore asserebat, ideo volentibus utrisque partibus decrevimus iudicando: quod una persona de dicto capitulo Strigoniensi, canonicali vel digniori beneficio sublimata, cum duobus nobilibus hominibus sibi adiunctis, presentibus Georgio de Thoh, vel Lukachio nobili de insula Roos, pro parte ipsius Alarch; item Egidio de Boyun, vel Rophayn de Lybad, pro parte memorati capituli Strigoniensis, aliis absentibus pro hominibus domini regis adducendis, ac testimonio prectacti capituli Budensis, feria quinta proxima post octavas festi beate virginis Margarete,[205] proxime tunc sequentes, in facie dictarum metarum in uno loco astando, prout moris est, secundum regni consuetudinem iurare super terram, ut premisse mete vere mete ipsius possessionis Nyr, quibus ab ipsa possessione Keztelch separatur, – sint, sacramentum deponent, et seriem premissi iuramenti partes, octavo die in litteris dicti capituli Budensis,[206] nostre iudiciarie deliberacioni reportarent. Tandem, iam dicto termino reportacionis seriei premissi iuramenti

[203] 1333. 18. Maii.

[204] 1333. 11. Maii.

[205] 1333. 22. Jul.

[206] 1333. 20. Jul.