342.
1338. (Pozsony.) 13. Jul. – Fassio Andreae de Potun, super possessione Potun, coram capitulo Posoniensi, Joanni et Stephano fratribus suis facta.
A. B. C.
Universis Christi fidelibus, presentes litteras inspecturis, capitulum ecclesie Posoniensis oraciones in Domino Iesu Christo. Ad universorum, tam presencium quam futurorum, noticiam harum serie volumus pervenire: quod Andrea, filio Pauli, filii Michaelis de Potun nepote, ymmo filio Benedicti, filii Elsev de Samoth adoptivo, sicut in litteris quondam Bolezlai felicis memorie, et domini nunc Chanadini, sancte Strigoniensis ecclesie archiepiscoporum vidimus, ab una; item Johanne et Stephano germanis, ac uterinis fratribus (expunct.: suis) eiusdem Andree parte ab altera; presente Paulo memorato patre suo, personaliter coram nobis constitutis; idem Andreas vive vocis ministerio, Johannem et Stephanum antedictos suos fratres, nunc superstites et dehinc alios suos fratres, volente Deo et natura procreandos, de possessione Benedicti filii Elsev memorati, avi sui, per adopcionem sibi devoluta, sicut vidimus in litteris memoratis, ut seipsum participes constituit, et fecit veros pariter et heredes, ita scilicet: quod quamdiu vita sibi comes fuerit ipse, et dicti sui fratres superstites, ac deinceps procreandi, de ipsa possessione equa limite, seu equaliter non magis alteroalter utantur et fruantur; sed ipso [mort]uo seu defuncto, totam ipsam possessionem, quondam Benedicti filii Elsev, modo premisso adopcionis sibi devolutam, dictis suis fratribus Johanni scilicet et Stephano superstitibus ac procreandis, pleno iure ac perpetuo, irrevocabiliter reliquit et dimisit, ac donavit, semper heredum suorum (expunct.: per) per heredes habendam, tenendam et pariter possidendam. In cuius rei memoriam presentes, nostro sigillo consignantes duximus concedendas. Datum, in die beate Margarete virginis et martiris, anno Domini M-o CCC-o XXX-mo tercio, Michaele, filio Thome woyuode Transiluani, preposito, et Nicolao Marci notario et canonico ecclesie nostre, existentibus.
Sigillum e viridi et violaceo serico pendet. – Orig. membr., in Arch. Cap. Poson. Publ. Capsa 14. fasc. P. nr. 16.

343.
1333. (Nyitra.) 15. Jul. – Capitulum Nitriense Claram, relictam Lodomerii de Csehi, ratione suae dotis et rerum parafernalium, Joannem de Csehi expeditum reddidisse, perhibet.
Nos capitulum ecclesie Nitriensis, tenore presencium significamus, quibus expedit universis: quod domina Clara, relicta Lodomeri de Chehi ab una parte, et comes Johannes de eadem Chehi ex altera, coram nobis personaliter constituti, eadem domina dictum Johannem et suos heredes, super dote sua et rebus parafornalibus, ex parte possessionis, dicti Lodomeri quondam mariti sui, sibi debitis, reddidit expeditos et penitus absolutos; e converso autem dictus comes Johannes eandem dominam glorem suam, in media parte possessionarie porcionis dicti Lodomeri., eiusdemque utilitatis curia, orto et domibus omnibus, usque vitam suam assumpsit conservare; ipsa vero defuncta eadem media pars possessionarie porcionis, ad dictum comitem Johannem et suos heredes denuo devolveretur. Asserentes eciam partes, quod si domina Inch, filia eiusdem Lodomeri