et Andreas, vel ipsorum heredes penam calumpnie erunt incursuri, si huiusmodi composicionem, vel ordinacionem contra pretactum magistrum Gekmynum, aut suos heredes, temporum quovis curriculo, conarentur retractare. Hoc eciam expresso, quod si Stephanus et Andreas memorati, vel heredes eorundem, sepedictum magistrum Gekmynum et ipsius heredes, seu posteritates tractu temporis, racione earumdem terrarum, seu sessionum, aut possessionum ab impetitoribus et inquietare volentibus, ordine judiciario premisso modo non valerent expedire, ex tunc de ipsorum possessionibus hereditariis, Hebech et Domian nominatis, in comitatu Huntensi existentibus, terras seu sessiones similes tot et tantas, sepefatis tribus possessionibus in qualitate et quantitate equivalentes, eidem magistro Gekmyno, vel suis heredibus, absque contradiccione et contumacia, dare tenentur et assignare. Datum feria secunda proxima ante octavas festi ascensionis Christi anno eiusdem M-o CCC-o XXX-mo tercio.
Extus: pro magistro Gekmyno, apotecario domini regis, contra Stephanum filium Ibwr et Andream filium Herbordi, super possessionibus Bagathfelde et Mochwdfia Michalfelde et Parlagy vocatis memorialis. – Sigillum margini ext. fuit appressum. – Orig. membr., in Arch. Mus. Nation. Budapest. Arch. Famil. Kubinyi.

340.
1333. Visegrád. 12. Maii. – Judiciales Demetrii, magistri tavarnicorum, pro monasterio s. Benedicti, contra civitalem Bars.
Nos Demetrius, magister thawarnicorum domini regis, damus pro memoria: quod dominus abbas de Sancto Benedicto de iuxta Gron, qui pro se personaliter et pro conventu monasterii ecclesie eiusdem, cum litteris procuratoriis legitimis, ab octavis festi beati Georgii martiris,[198] undecim diebus continuis, contra Veym villicum et totam civitatem de Bors, iuxta continenciam litterarum citatoriarum capituli Nitriensis, stetit in termino coram nobis; qui quidem Veym villicus et civitas predicta de Bors, nec personaliter venire, nec aliquem pro se mittere procurarunt; unde decrevimus ipsos fore in iudicio remansisse, si non poterunt racionabiliter excusare. Datum in Wyssegrad, (expunct.: un) duodecimo die termini prenotati, anno Domini Millesimo CCC-mo XXX-mo tercio.
Extus: Pro domino abbate et conventu monasterii sancti Benedicti de iuxta Gron, contra Veym villicum et totam civitatem de Bors, in octavis festi beati Georgii martiris iudicialis. – Sigillum margini ext. fuit appressum. – Orig. in scheda membran., in Arch. Capit. Strigon. Priv. Lad. 40. fasc. 1. nr. 29.

341.
1333. Avignon. 3. Jul. – Joannes PP. XXII., bona alienata archiepiscopatus Strigoniensis, per Colocensem archiepiscopum revocari jubet.
Mutato nomine resumitur bulla ad episcopos Wesprimiensem et Agriensem a. 1331. 1. Dec.[199] data et sub. nr. 295. edit.
– – – Datum Auinione V. nonas Julii, pontificatus nostri anno decimo
septimo.
Bulla cum zona periit. – Orig. membran., in Arch. Capit. Strigon. Priv. Lad. 49. fasc. 1. nr. 13. – Cf. nr. 295.

[198] 1333. 1. Maii.

[199] 1331. 1. Dec.