nostri karissimi, sub certis metis et antiquis, cum omnibus utilitatibus suis et pertinenciis universis, pretactis Thome et Paulo, filiis Jacobi, et eorum heredibus, heredumque ipsorum successoribus dedimus, donavimus et contulimus, iure perpetuo et irrevocabiliter possidendam, tenendam pariter et habendam. Datum, in Vyssegrad, in octavis festi beati Georgii martiris, anno Domini Millesimo trecentesimo tricesimo tercio.
Extus: Donacio super Gyarmath. – Sigillum tergo fuit appressum. – Orig. membr., in Arch. Cap. Strigon, Priv. Lad. 38. fasc. 1. nr. 6. – Literas has Elisabeth regina a. 1368. 7. Mart. novo confirmat privilegio. – Orig. ibidem sub nr. 12.
336.
1333. Avignon. 5. Maii. – Joannes PP. XXII., iniungit de Buda et S. Laurencii prope muros Vratislavienses abbatibus, ac praeposito S. Crucis Vratislaviensis, ut sententiam judicialem praepositi de Domo Dei, in causa iurisdietionis spiritualis eccl. Podolin, Gnezna et Lublo latam, revideant et Joanni praeposito Scepusiensi iustitiam impendant.
Wagner: Analecta Scepus. P, I. p. 316. – Fejér: Cod. Dipl. VIII/3. p. 700.
337.
1333. Esztergom. 6. Maii. – Mesko episcopus Nitriensis, promittit pretium alienandarum, cum consensu Chanadini archiepiscopi, terrarum Horo et Leveled, in restaurationem ecclesie suae cadethralis, impendere.
Nos Mesko, Dei gracia episcopus Nitriensis, tenore presencium significaraus quibus expedit universis; quod cum nos ecclesiam nostram kathedralem, per emulos et infideles domini regis et regni dirutam, et per omnia demolitam, rehedificare Deo auxiliante et construere intendamus, et iam in aliqua parte opus dicte ecclesie, de nostris sumptibus et expensis, sit inceptum; et quia venerabilis in Christo pater dominus Chanad(inus,) Dei et apostolice sedis gracia, sancte Strigoniensis ecclesie archiepiscopus, locique eiusdem comes perpetuus, quasdam particulas terrarum predicte ecclesie nostre, Horo et Leueled vocatarum, in comitatu Borsiensi existencium, de quibus nos et dicta ecclesia nostra nullum fructum penitus reportare valuimus usque modo, auctoritate metropolitica ad obligandum seu alienandum, pro certa sumpma pecunie, ad consumpmandum opus dicte ecclesie, suum nobis consensum bemvolum adhibuit et assensum: promittimus nos, eidem venerabili in Christo patri domino archiepiscopo vigore presencium, ut ipsam quantitatem pecimie, eciam de nostris proventibus et redditibus addendo, ad evidens opus et fabricam dicte ecclesie, de scitu eiusdem domini archiepiscopi et fratrum nostrorum, capituli videlicet ecclesie nostre predicte, expendemus ex integro; assumpmimus insuper, quod si medio tempore nos translacionem aliquam facere contingat, vel ab ipsa ecclesia alienari, et dictam quantitatem pe[cuni]e, ut premissum est, ad predictum opus ecclesie non expendissemus, extunc ad scitum eiusdem domini archiepiscopi, ipsi ecclesie et dictis fratribus nostris, de nostris sumptibus et proventibus restaurabimus plenarie firma fide. Datum Strigonii, in festo beati Johannis apostoli et ewangeliste ante portam Latinam, anno Domini M-o CCC-o XXX-o tercio.
Sigillum ovale tergo fuit appressum. – Orig. membr., in Arch. Cap. Strigon. Publ. Capsa 67. fasc. 6. nr. 18.