edificiorum, fovearum et fodinarum, confraccionis lapidum, aquarum, fontalium, et fluvialium, necnon dimidietatis vinee prope ryvulum annotatum, noviter plantate, molestare seu aggravere niterentur, eosdem ab omnibus quovismodo impetitoribus, coram quovis iudice, cum suis propriis laboribus et sumptibus, secundum usum et consuetudinem nostre civitatis, ab antiquo approbatam, occasione qualibet non obstante, teneretur expedire. In cuius rey memoriam, perpetuamque firmitatem, ad instanciam peticionemque parcium, presentes concessimus litteras nostras privilegiales, duplices sigilli nostri munimine roboratas. Datum sabbato proximo post octavas Cynerum, anno Domini Millesimo trecentesimo tricesimo tercio.
Fragmen sigilli duplicis e rubro et viridi serico pendet. – Orig. membr., pulchre exaratum, in Arch. Capit. Strigon. Priv. Lad. 41. fasc. 2. nr. 9. – Hanc ipsam venditionem confessus est idem Jacobus 30. Jan. eodem anno coram Bartholomeo priore Crucif. de Calidis Aquis. – Orig. ibidem Lad. 41. fasc. 2. nr. 6.

332.
1333. Gömör. 8. Mart. – Egidius vicearchidiaconus de Gömör, Benedictum de Csetnek, contra Stephanum Bebek, ob laesionem iuris patronatus ecclesiae de Pelsőcz, protestationem interposuisse, testatur.
Ed. Cod. Andegav. T. III. p. 7.

333.
1333. Visegrád. 24. Mart. – Carolus I. rex, tertiam partem possessionis Széplak, in comitatu Abaujvár existentis, quondam filiorum Omodei, Petro filio Joannis, confert.
Ed. Cod. Dipl. Com. Zichy. T. I. p. 409.

334.
1333. (Esztergom.) 29. Apr. – Capitulum Strigoniense, possessiones praepositurae de Ságh, Iva et Hacsak nominatas, iuxta fluvium Zagyva existentes, per nonnullos vi desolatas esse, perhibet.
Ed. Cod. Dipl. VIII/7. p. 257.

335.
1333. Visegrád. 1. Mai. – Elisabetha regina, possessionem suam Gyarmath, habitatoribus destitutam, Thomae et Paulo, specialibus tavarnicis suis, confert.
Nos Elysabeth, Dei gracia regina Hungarie, memorie commendantes significamus, quibus expedit, tenore presencium, universis: quod Thomas et Paulus, filii Jacobi, speciales thawarnici nostri, ad nostre serenitatis accedentes presenciam, ipsorumque fidelitatis obsequia nostre maiestati inpensa proponentes et declarantes, quandam possessionem nostram reginalem, Gyarmath vocatam, vacuam et habitatoribus destituam, in comitatu Strigoniensi, prope Danubium existentem, a nobis sibi dari et conferri perpetuo postularunt. Nos siquidem, pensatis fidelitatibus et serviciis meritoriis ipsorum Thome et Pauli, que ipsos a multis iam retrolapsis temporibus exhibuisse scimus, exhibere sentimus in presenti, et exhibituros pro firmo credimus in futurum, memoratam possessionem nostram reginalem, Gyarmath nuncupatam, e consensu et beneplacito excellentissimi principis domini Karoli, eadem gracia regis Hungarie illustris, consortis