studeatis penitus abstinere (expunct.: sicut) cupitis indignacionem apostolicam evitare. Datum, Auinione, X Kalendas Julii[197], pontificatus nostri anno sextodecimo.
Nos igitur predictis litteris, de verbo ad verbum visis, et diligenter perlectis, invenimus eas filo canapis integra et vera bulla plumbea ipsius domini pape bullatas, non viciatas, non concellatas, nec in aliqua sui parte corruptas, sed omni suspicione carentes, nostris ipsas inseruimus litteris, nichil addendo vel diminuendo, prout ordo iuris postulat et requirit. In cuius rei memoriam presentes, nostri sigilli munimine duximus roborandas. Datum, Jaurinii XVII0 Kalendas Februarii anno Domini M-o CCC-o XXX-o tercio.
Sigillum e zona membr. pendet – Orig. membr., in Arch. Capit. Strigon. Priv. Lad. 40. fasc. 1. nr. 27.

331.
1333. (Buda.) 27. Febr. – Magistratus castri Budensis, magistrum Jacobum, comiti Kunchlino, patruo suo, allodium suum Nyék, centum marcis vendidisse testatur.
Magister Nicolaus, rector castri novi montis Pestiensis, comes Thylmannus viceiudex, Kunckylinus de Megerdorf, Voluengus, Leeb, Jacobus de Agrya, Nicolaus frater Thylmanni, Ruedulynus, Sedulynus, Perenhauser, Nycolaus de Jaurino, Michael filius Wlmanni, Petrus filius Myko, Johannes filius Bothuk, tunc pro tempore iurati ipsius castri, omnibus Christi fidelibus, presens scriptum inspecturis, salutem in omnium Salvatore. Quoniam ea, que aguntur in tempore, ne cum temporis labilitate elabantur et pre textu (sic!) posteritatis in oblivionem deducantur; ideo sapientum seu discretorum sollers providencia adinvenit, ut litterarum testimonio et patrocinio perpetua stabilitate solidentur et roborentur. Proinde ad universorum, tam presencium quam futurorum noticiam harum serie litterarum volumus pervenire: quod iuvenis, providus et honestus magister Jacobus, filius comitis Rubyni, filii Kunch, quondam iudicis castri prenotati, poncivis noster, coram nobis personaliter constitutus, predium suum, seu allodium, quod sibi iure paternali devolutum extiterat, inter civitatem Budensem ab una parte et villam Neek ex altera, in medio duarum viarum, seu stratarum magnarum, quod vulgo Kunch sppan maiura dicitur, cum omnibus suis utilitatibus et pertinenciis universis, videlicet pratis, fenetis, terris arabilibus, cultis et incultis, ortis et curiis, ac edificiis lapideis et ligneis, foveis et fodinis, confraccionibus lapidum, aquis fontalibus et fluminalibus, necnon cum dimidietate vinee prope ryvulum et ecclesiam beatissime Virginis Marie, noviter plantate adiacentis, ex permissione et bona voluntate omnium commetaneorum et cognatorum suorum, nullo penitus contradictore existente, vendidit et tradidit comiti Kunchylino, filio Johannis, filii Kunch, karissimo patruo suo, concivi nostro et iudici, et per eum suis heredibus, heredumque suorum successoribus, iure perpetuo et irrevocabiliter, ac pacifice possidendum, tenendum pariter et habendum, pro centum marcis argenti mercimonialis, plene receptis ab eodem. Assumpsit nichylominus idem magister Jacobus supra se, ut quicunque processu temporum prescriptum comitem Kunchlynum, vel suos heredes, heredumque suorum successores, racione predicti predii seu allodii et suarum utilitatum ac pertinencium (sic!) universalium, videlicet pratorum, fenetorum, terrarum, ortorum, curiarum,

[197] 1332. 22. Jun.