Hereditarias, ac tres equas de equacia cum duobus poledris in perpetuum possideret irreuocabiliter et Haberet, uel cuicunque dicta domina uoluerit, relinquendi, donandi siue asignandi, liberam habeat facultatem; si uero aliquem uel aliquam ex hijs supradicta domina uellet uendere, extunc nulli Hominum, nisi Thome et Dominico antedictis secundum consuetudinem Regni et extimacionem (sic) condignam uendere possit. De alijs uero rebus eiusdem Domine, per dominum comitem Jacobum relictis, ijdem Thomas et Dominicus sepedictam Dominam reddiderunt omnino expeditam. In cuius rei memoriam presentes concessimus litteras, sigilli nostri munimine roboratas. Datum sabbato proximo ante ascencionem domini, Anno eiusdem M°. C°C°C°. Decimo.
A. B. C.
Sigillum e flavo et violaceo serico pendebat. Orig. in Arch. Cap. Poson. publ. Capsa 14. fasc. 9. Nr. 16.
690.
1310. 23. Jun. - "Magister Andreas, filius Bogo, praesentavit quasdam litteras Domini Karuli regis super donacione fori JBogo, Nicolao, Johanni, ac magistro Laurencio Strigoniensis et Scepsiensis ecclesie Canonico, nec non Bagamerio, filiis condam Comitis Bagamerii data et collata in vigilia festi nativitatis Beati Johannis Bapt. a. D. 1310."
E regestro Liptoviensi a. 1391. - Magy. Történelmi Tár. IV. 25.
691.
1310. 24. Jun. - Capitulum Poson. relictam Gregorii de Gutor dotem suam certis sub conditionibus Joanni de eadem et fratribus eius relaxasse perhibet.
Vniuersis xpi. fidelibus, presentes litteras inspecturis, Capitulum ecclesie Poson. salutem in domino sempiternam. Ad vniuersorum noticiam tenore presencium uolumus peruenire, quod constituta personaliter coram nobis nobilis domina Relicta Gregorij, filij Chepreg de uilla Guttur, ab una parte; Johannes, filius Jacobi de eadem, pro se et pro fratribus suis, scilicet Nicolao, Mathya, et Thoma, ab altera; eadem domina est confessa oraculo uiue uocis, quod ipsa totam Dotem suam, seu res parafarnales, tempore nupciarum secum aportatas, tam racione proximitatis, quam eciam dileccionis specialis

---