688.
1310. 16. Maii. - Comes Jacobus officialis Thomae AEppi Strigon. Iliam de Karcha quatuor iugera terrarum vendidisse testatur.
Nos Comes Jacobus, officialis venerabilis patris domini Thome, miseracione diuina archiepiscopi Strigon., locique eiusdem Comitis perpetui, memorie comendantes, significamus, quibus expedit, vniuersis, quod constitutus personaliter coram nobis ylie, filius Budow de Karcha, est confessus viua uoce, quod ipse quatuor Iugera terrarum arabilium de terris suis hereditarijs, que quidem Iugera ad terram eorumdem (sic) Laurencij et Mykow certis metis, de nouo erectis, vt Idem ylia retulit nobis, in suis finibus stant applicata et adiuncta, Mykow et Laurencio, filijs Jacobi de eadem, pro tribus marcis denariorum wyennensium, plene ab eisdem perceptis, dedisset, vendidisset et tradidisset in filios filiorum possidenda, habenda et tenenda. Datum sabbato proximo ante dominicam, qua cantatur Cantate. Anno domini M°. CCCmo. decimo.
E transsumpto Capituli Poson. de a. 1322. 18. Apr. - Ed. Magy. Tört. Tar. XX. 248.
689.
1310. 23. Maii. - Capitulum Poson. Agnetem viduam Comitis Jacobi de Jánok cum Jacobo et Dominico super servis et aliis rebus, a marito suo eidem legatis, convenisse testatur.
Vniuersis xpi. fidelibus, presentes litteras inspecturis, Capitulum ecclesie Poson., Salutem in Domino sempiternam. Ad uniuersorum noticiam tenore presencium volumus peruenire, quod nobilis domina, domina Agnes, relicta comitis Jacobi de Janyk, ex una parte; Thomas et Dominicus filii Petri fratris eiusdem comitis Jacobi, ex altera, coram nobis personaliter constituti, sunt confessi uiua uoce, quod licet mota fuerit materia questionis inter ipsos super quibusdam seruis et ancillis, ac alijs rebus, quos, et quas idem comes Jacobus eidem Domine Agneti consorti sue in ultimo testamento suo ordinasset et legasset, et diu fuissent altercati; ad ultimum tamen iuxta arbitrium proborum virorum, scilicet comitis Abraham rufi, Hambatonis et Jacobi Ciuium Poson., Nicolai, Bud, Petri de Gutur, Luce de Karcha, ac aliorum nobilium de Challokuz, ad talem pacis concordiam deuenissent, quod dicta domina Agnes eosdem seruos et ancillas, scilicet quendam seruum Buug nominatum cum duobus filijs suis empticiis, Paulo videlicet et atidich nominatis, et unam ancillam nomine Cholk similiter emticiam, duas ancillas Chatus et Rosa uocatis

---