Changradiensi Archidiaconis et alijs quam pluribus Canonicis, Anno domini M°. CCC°. decimo in ecclesia Waciensi existentibus et deo iugitur et fideliter famulantibus.
A tergo: Super possessione Wrs pro Episcopo agriensi. - Sigillum e violaceo et flavo serico pendet. Orig. in Arch. Cap. Strig. publ. Capsa 67. fasc. 11. Nr. 1.
687.
1310. 13. Maii. - Capitulum Strigon. filios Georgii de Petend medietatem molendini in Tolmacs Conventui s. Benedicti donasse testatur.
A. B. C. D.
THeophylus Prepositus et Capitulum ecclesie Strigon., Omnibus xpi. fidelibus, presentes litteras inspecturis, salutem in eo, qui uere penitentibus ueniam non denegat peccatorum. Ad uniuersorum noticiam, tam presencium, quam futurorum, harum serie volumus peruenire, Quod Paulus filius Georgij quondam de villa Petend, cum Religioso viro, fratre Paulo, abbate Monasterij sancti Benedicti de iuxta Goron, in Comitatu Borsiensi existentis, ad nostram presenciam personaliter accedendo, dixit et confessus est oraculo viue uocis, quod Vrach frater suus, licet eger corpore, sanus tamen mente, suis laborans in extremis, medietatem molendini sui, cum terris arabilibus, quam uel quas a Ledus filio Leustachij de villa Tolmachy, iobagione videlicet supradicti Monasterij, mediantibus litteris Priuilegialibus eiusdem, pro sex marcis argenti et uncia prenominatus Georgius pater ipsorum titulo empcionis comparauerat, secundum quod et nos in eisdem litteris plenius uidimus contineri, abbati et Monasterio sancti Benedicti prememoratis, ipso presente et pariter consenciente, legasset. Idemque Paulus porcionem suam de eadem medietate molendini et terrarum, ipsum contingentem, similiter dedit, donauit et reliquit coram nobis animarum suarum pro salute perpetuo possidendam et tenendam, ad usum scilicet et vtilitatem abbatis et Conuentus Monasterij predictorum. In cuius quidem legacionis, seu donacionis prehabite memoriam et perpetuam firmitatem, ad instantem peticionem sepedicti Pauli, presentes abbati antedicto concessimus litteras, sigilli nostri appensione comunitas. Datum per manus discreti viri, magistri Johannis, ecclesie nostre Lectoris, Anno domini M°. CCC°. X°. III°. Ydus Maij.
Sigillum cum zona periit. Orig. pulchre exaratum in Arch. Cap. Strigon. priv. Lad. 40. fasc. 1. Nr. 19.
Első
