ipsius Johannis et fratrum suorum predictorum dimisisset et penitus relaxasset, nullusque cognatorum ipsius domine de cetero racione dicte dotis possit, aut ualeat ipsum Johannem et fratres suos predictos, aut eorum heredes, heredumque suorum successores molestare et grauare; tali ordinacione nichilominus interposita, quod Johannes et fratres sui prius dicti quandam particulam terre terrarum arabilium cum vno fundo Curie, (quam) Gregorius maritus ipsius domine eo uiuente possedit, eodem iure, quamdiu eidem domine uita comes fuerit, dedissent et assignassent possidendam, habendam et tenendam; post obitum uero eiusdem domine ad manus Johannis et fratrum suorum predictorum et ad manus heredum ipsorum iure perpetuo deuoluetur. Duos autem laneos in villa Guttur eidem domine similiter asignarunt, hoc modo: quod si ipsam dominam ante quatuor annos a data presencium mori contingerit, quod absit, extunc ipsa domina in suis extremis censum dictorum laneorum per decem annos pro remedio anime sue, uel parentum suorum aut quocunque modo legare uoluerit, donandi seu relinquend' liberam habebit facultatem; Si uero in reuolucione quinti anni, similiter a data presencium, mo__ contingerit; censum vnius lanei dicto modo, scilicet per decem annos, ordinabit et legabit; transactis uero omnibus predictis reuolucionibus, quandocunque ipsam dominam mori contigerit, semper per annos decem censum vnius Lanei in dicta villa Guttur ad libitum sue uoluntatis dicto modo donabit et legabit. In cuius rei testimonium presentes concessimus litteras, sigilli nostri munimine roboratas. Datum in festo beati Johannis Baptiste, Anno domini M°. C°C°C°. decimo.
A. B. C.
Sigillum cum zona periit. Orig. in Arch. Cap. Poson. publ. Capsa 14. fasc. 7. Nr. 13.
692.
1310. 22. Jul. - Conventus Cruciferorum Strigon. Nrum. 498. transscribit.
(N)os frater Nicolaus, magister Domus Hospitalis et Conuentus Cruciferorum ecclesie sancti Regis Stephani de Strigonio, notum facimus vniuersis, presentes litteras inspecturis, Quod discretus vir Salomon, Custos ecclesie Strigon., ad nostram presenciam personaliter accedens, quasdam litteras Priuilegiales venerabilis patris, domini Benedicti, quondam Archiepiscopi Colocensis, nobis exhibere curauit, petens idem a nobis instantissime, ut easdem, quia quo necesse haberet secum ferre, propter tempus impacatum non auderet, nostris inseri litteris et transscribi faceremus, quarum tenor talis est: