682.
1310. ca. 16. Mart. - Capitulum Poson. Damianum et Thomam de Bel partem possessionis huius Leustachio donasse testatur.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. Ad vniuersorum noticiam tenore presencium uolumus peruenire, Quod constituti personaliter coram nobis Demien, filius Reun, et Thomas, filius Mathey de Beel, sunt confessi uiua uoce, quod ipsi de terra ipsorum hereditaria, Beel uocata, terram ad unum Aratrum sufficientem, cum utilitatibus et pertinencijs suis et idem Demien quinquaginta iugera terrarum arabilium de terra sua empticia, similiter Bel uocata, Leustachyo, filio andree, genero dicti Dymien (sic) sicut dixerunt, causa proximitatis dedissent, donassent et tradidissent, in filios filiorum irreuocabiliter, iure perpetuo possidenda, habenda et tenenda. Obligando se, quod quicunque processu temporum eundem Leustachium et suos successores uniuersos racione eiusdem terre, ad unum aratrum sufficientis et quinquaginta Iugerum predictorum forsitan uellent inpetere, uel uexare; ex(tunc ijdem) Demien et Thomas cognatus eius ... tenerentur expedire proprijs laboribus et expensis. In cuius rei testimonium presentes concessimus (littera)s, sigilli nostri munimine roboratas. Datum ... post Dominicam Reminiscere, Anno domini M°. C°C°C°. decimo.
A. B. C.
Sigillum cum zona periit. Orig. lacerum in Arch. Cap. Poson. publ. Capsa 14. fasc. 2. Nr. 8.
683.
1310. 8. Apr. - Ladislaus Vajvoda Transilvanus Carolo Regi "in manibus venerabilis patris, Thomae archiepiscopi Strigon." fidelitatem iurat et sacram Coronam "ad octavas s. Joannis Bapt." (1. Jul.) se reportaturum, ac iura Regalia se restituturum promittit. "Ad quae firmiter per praedictum Ladislaum Vajuodam tenenda et attendenda nos Omodeus palatinus, magister Dominicus sub poena periurii obligamus, sub vivificae crucis ligno domini, vna cum praedicto Ladislao vajvoda, venerabili Patri, domino Thomae archiepiscopo Strigon., ac religioso fratri Dionysio, - - Gentilis - - Cardinalis capellano, corporaliter praestito iuramento." - Datum in Segnedino (?) feria IV. proxima post dominicam Judica.
Fridvalszky Miner. Transilv. 115.; Katona Hist. Crit. VIII. 203.; Kovachich Suppl. ad Vest. Comit. I. 258.; Fejér Cod. dipl. VIII. I. 389. - Katona haec

---