debuissent, in ipsis terminis prefatus karachynus vyginti pensas et vnam denariorum et Laurencius frater suus viginti pensas eisdem abraham syculo et domine Wenys consorti sue, pro qua idem abraham astitit, soluerunt coram nobis. vnde antefatus abraham pro se et vice ac nomine eisdem domine Wenis vxoris sue ipsam dimidietatem porcionis predicti Sebred, per eundem sibi ab olym datam et donatam, cum omnibus vtilitatibus et pertinencijs vniuersis eiusdem dimidietatis porcionis ipsius Sebred, in Pon existentis, dedit et asignauit pretitulatis karachyno et Laurencio, heredum ipsorum per heredes, iure perpetuo possidendam semper et habendam. Datum in crastino diei Cynerum, anno domini M°. C°C°C°. decimo.
In aversa parte: pro Karachyno super porcionis dimidietate Sebred de Pon, quam abraham siculus sibi asignauit. - Sig. deest. Orig. in Arch. Prim. Sec. Lad. R. fasc. 1. Nr. 4. - Extr. erronee Fejér Cod. dipl. VIII. VII. 95.
681.
1310. 14. Mart. - Capitulum Poson. dominam Gene, servum Fabianum manumisissse testatur.
universis xpi. fidelibus, presentes literas inspecturis, Capitulum ecclesie Poson. salutem in domino sempiternam. ad uniuersorum noticiam tenore presencium volumus peruenire, Quod constituta personaliter coram nobis domina Gene filia Bartholomei, relicta comitis Pamlini de Zop, pro se et pro filiabus suis, videlicet Magdalene, Margaretha, Caterina, Agnete et Elena, prout dixit, est confessa oraculo uiue uocis, quod ipsa quendam suum seruum Hereditarium, nomine Fabianum, filium Michaelis, qui presencialiter aderat et se seruum eiusdem domine asseruit, pro remedio animarum parentum suorum et sua, cum omnibus ab eodem via generacionis descendentibus manu misisset, et tradidisset perpetue libertati. Obligando se, quod quicunque processu temporum, eundem Fabianum et suos successores racione pristine condicionis vellet forsitan molestare; extunc domina Gene cum filiabus suis, teneretur expedire propriis laboribus et expensis. In cuius rei testimonium presentes concessimus litteras, sigilli nostri munimine roboratas. Datum sabbatho proximo ante Dominicam Reminiscere, Anno Domini M°. C°C°C°. Decimo.
Sigillum cum zona periit. Orig. evanidum in Arch. Cap. Poson. publ. Capsa 33. fasc. 1. Nr. 4.