679.
1310. 13. Jan. - Capitulum Poson. comitem Petrum Nicolao et Pascasio terram suam Jenő vendidisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. salutem in salutis largitore. Ad uniuersorum noticiam tenore presencium volumus peruenire, quod constitutus personaliter coram nobis comes Petrus, filius Martini de villa Ineu, sicut se nominauit, ab una parte; comes Nicolaus, filius Demen, pro se et pro fratre suo, comite Paskasyo, ab altera; idem Petrus est confessus oraculo uiue uocis, quod ipse quamdam terram suam hereditariam, Ineu nominatam, que est sita et locata inter terram vduorij et terram Ineu Nicolajy et Paskasij predictorum, ad alterum dimidium aratrum sufficientem, sicut dixerunt, presentibus commetaneis suis et uicinis, videlicet Nicolao filio Iwanka de Toxun, Leupoldo filio dominici de eadem Toxum et bona uoluntate eorum permittentibus, Nicolao et Paskasio supradictis pro quindecim marcis latorum denariorum Wiennensium, cum suis utilitatibus, scilicet Siluis, agris, captura Piscium et Pascuis Pecorum vendidisset, dedisset et locasset in filios filiorum irreuocabiliter possidendam, habendam et tenendam. Obligando se idem Petrus, quod quicunque processu temporum Nicolaum et Paskasium antedictos, uel suos heredes, heredumque suorum successores racione predicte terre uellent molestare; extunc idem Petrus et filij sui, aut filiorum suorum successores tenerentur expedire proprijs laboribus et expensis. In cuius rei testimonium presentes concessimus litteras, sigilli nostri munimine roboratas. Datum feria tercia proxima post Epifaniam domini, Anno domini M°. C°C°C°. decimo.
Sigillum integrum e rubro et viridi serico pendet. Orig. in Arch. Cap. Poson. publ. Capsa 14. fasc. 9. Nr. 19. - Festum Epiphaniae hoc anno in feriam tertiam incidit, adeoque sub Dato hoc nonnisi Octava huius festi intelligi potest.
680.
1310. 5. Mart. - Capitulum Nitriense Abrahamum Székel medietatem portionis suae in Pán 41 pensis denariorum Karachino et Laurentio cessisse testatur.
Nos Capitulum ecclesie Nitriensis memorie commendamus, Quod cum iuxta tenorem priorum litterarum nostrarum pro redempcione dimidietatis porcionis Sebred in Pon existentis, Karachynus et Laurencius, filij Woykus, de eadem Pon, quadraginta Pensas et vnam denariorum Abrahe dicto Zekul et domine Wenys, coniugi sue, filie scilicet ipsius Sebred, coram nobis soluere