perpetuo irreuocabiliter possidenda, habenda et tenenda. In cuius rei testimonium presentes concessimus litteras, sigilli nostri appensione communitas. Anno Domini M°. CCC°. Nono.
A. B. C. D.
Sigillum integrum e viridi serico pendet. Orig. in Arch. Cap. Poson. priv. Capsa A. fasc. 8. Nr. 2. (Iuxta indicem: Capsa A. fasc. 7. Nr. 52.)
678.
1309. - Capitulum Poson. Petrum de Enyed cum Budo quoad dotem uxoris eius Helenae convenisse testatur.
A. B. C.
Vniuersis xpi. fidelibus, presentes litteras inspecturis, Capitulum Ecclesie Poson. Salutem in domino sempiternam. Ad vniuersorum noticiam tenore presencium volumus peruenire, Quod Budo, filio Ivan de Karcha, ex una parte; Petro filio Leupoldi de Enyud et filijs suis, scilicet Stephano et Nicolao, ex altera, coram nobis personaliter' constitutis, sunt confessi uiua uoce, quod licet mota fuerit materia questionis inter ipsos, super dote videlicet et dotalicijs domine Elene, filie Andurnuk, vxoris eiusdem Budo, filie Sororis eiusdem Petri et diu ordine Judiciario fuissent altercati; ad ultimum tamen, mediantibus probis viris, in talem pacis concordiam deuenissent, quod quamdiu idem Budo uixerit, Petrus et filij sui antedicti dictam dotem ab eodem non requirent; sed post mortem ipsius totam porcionem eiusdem Budo, in eadem uilla karcha ipsum de iure attingentem, cum omnibus utilitatibus et pertinencijs suis, scilicet agris, Pratris, Siluis, Pascuis, Pomerijs et fenetis, sepedictus Petrus et filij sui, ac eorum sucessores racione sepedicte dotis possidebunt. Hoc eciam adiecto, quo si aliqui de cognatis dicti Budo dictam porcionem forsitan processu temporum redimere conarentur: extunc pro viginti quinque marcis latorum denariorum Wiennensium, quamlibet marcam cum singulis decem pensis computando, ab eysdem Petro et filijs suis, uel eorum successoribus redimere tenebuntur. In cuius rey testimonium presentes concessimus, sigilli nostri munimine roboratas. Datum in festo ... Anno domini M°. C°C°C°. Nono.
Sigillum cum zona et Dato diei avulsum. Orig. in Arch. Cap. Poson. publ. Capsa 33. fasc. 1. Nr. 2.

---