archiepiscopo Strigon., dedimus et concessimus, nostro sigillo consignatas. (Datum in vig)ilia natiuitatis beate virginis marie, Anno domini M°. CCC°. Nono.
A. B. C.
Sig. cum zona avulsum. Orig. Iacerum, pulchre exaratum in Arch. Prim. Sec. Lad. J. fasc. 8. Nro. 134. - Ed. Fejér Cod. dipl. VIII. I. 362.
673.
1309. 8. Sept. - Carolus I. Rex vineas in Felső-Örs Abbati s. Benedicti per Michaelem Comitem et Castellanum de Veteri Buda restitui iubet.
Karolus, dei gracia Rex Hungarie, Dilecto et fideli suo, magistro Mychaeli, Comiti et Castellano de Veteri Buda, salutem et graciam cum dileccione. Cum nos vineas, in promontorio de Vrs superiori sitas, ad ecclesiam beati Benedicti de iuxta Goron ad instanciam et peticionem Mathei palatini, dilecti et fidelis nostri, fratri Paulo, abbati eiusdem ecclesie restituerimus; volumus et fidelitati tue precipientes damus in mandatis, quatenus statim, receptis presentibus, ipsas vineas restituas fratri Paulo antedicto et ad percipiendos fructus permittas vinearum predictarum, nec aliquod tributum exigere presumas de eisdem; aliud, si dileccionem nostram caram habes, non facturus. Datum iuxta fluvium Goronchev in festo natiuitatis virginis gloriose, anno domini M°, CCC°. nono.
Extus: Dilecto et fideli suo, magistro Mychaeli comiti et Castellano de veteri Buda. - Sigillum ext. margini fuit appressum. Orig. in Arch. Cap. Strigon. priv. Lad. 40. fasc. 1. Nr. 18.
674.
1309. 16. Nov. - Capitulum Poson. Saulum de Patony tribus marcis denariorum servum suum Joannem manumisisse testatur.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in domino sempiternam. ad uniuersorum noticiam tenore presencium uolumus peruenire, quod constitutus personaliter coram nobis Saulus, filius Pechur de potun, pro se et pro filio suo paruulo Johanne, sicut dixit, est confessus uiua uoce, quod ipse quemdam seruum suum, nomine Johannem empticium (?) filium Chyma, qui presencialiter aderat et se seruum suum asserebat, receptis ab eodem tribus marcis denariorum Wiennensium, et
Első
