literas Belae IV. Regis transscribunt. - Datum feria sexta proxima ante festum Nativitatis B. Virginis.
Fejér Cod. dipl. VIIL I. 361. et XI. 421.
672.
1309. 7. Sept. - Comes Mauritius de Bab nomine filiae suae Catherinae, possessionem Szamard Thomae Archiepiscopo Strigon. vendit, coram Conventu Cruciferorum Strigon.
Vniuersis xpi. fidelibus, presencium noticiam habituris, Frater Nicolaus magister et Conuentus Cruciferorum Domus hospitalis sancti Regis Stephani de Strigonio salutem in domino sempiternam. Ad uniuersorum noticiam, tam presencium, quam futurorum, harum serie uolumus peruenire, Quod Wenerabilis pater, dominus Thomas, miseracione diuina archiepiscopus Strigon., eiusdemque loci comes perpetuus, et nobilis vir, comes Mauricius de Baab (de) comitatu Nitriensi, nomine et vice nobilis domine, filie sue, domine Katherine, relicte magistri Mychaelis, filij quondam Ypoliti, de comitatu Zaladiensi, cum legitimo et sufficienti procuratorio, ad nostram accedentes presenciam, idem comes Mauricius de Baab possessionem ipsius magistri Mychaelis, Zamard uocatam, in territorio Strigon. existentem, ad manus eiusdem domine Katherine, filie sue, racione dotis et rerum paraphtfrnalium, tempore nupciarum secum allatarum, deuolutam, cum omnibus utilitatibus et pertinencijs suis, certis metis et terminis antiquis limitatam, eidem Wenerabili (pat)ri, domino Thome, archiepiscopo Strigon., eiusdemque loci comiti perpetuo, pro Quinquaginta marcis fini argenti, plene ab eodem habitis et receptis, presentibus Sebastiano, fratre ipsius magistri Mychaelis, et alijs multis consanguineis eiusdem et vicinis, et in nullo contradicentibus, de uoluntate, beneplacito, consensu, conniuencia et assensu beniuolo predicte domine katherine, filie sue memorate, prout in eiusdem procuratorijs continebatur litteris, se asseruit vendidisse, tradidisse et eciam assignasse, perpetuo et irreuocabiliter per eundem possidendam. Obligans se idem comes Mauricius et suas posteritates assumpmendo, expedire predictum dominum Thomam, Wenerabilem patrem, Strigon. archiepiscopum pretextu (predicte pos)sessionis, Zamard vocate, ab omnibus impetere volentibus coram quouis Judice, suis proprijs laboribus et expensis. Vt igitur huiusmodi vendicionis et emcionis series robur obtineat perpetue firmitatis, nec ullo umquam tempore possit uel ualeat per quempiam in irritum reuocari, ad peticionem et instanciam parcium predictarum, presentes nostras priuilegiales litteras ad maiorem et uberiorem ac pleniorem cautelam ipsi Wenerabili patri, domino Thome,