Monasterij Sancte Marie Tirnensis (sic), Ordinis sancte Clare, Strigon. diocesis, ad nos querimoniam destinarunt, quod licet uniuersis abbatissis et Conuentibus, seu sororibus eiusdem Ordinis per speciale priuilegium sedis apostolice sit indultum, ut nemini de fructibus et redditibus eorum decimam soluere teneantur; tu tamen pretextu cuiusdam uendicionis, facte tibi per Capitulum Strigon. de quibusdam decimis, in Castro Tirnensi ad Capitulum ipsum spectantibus, decimas de bonis earum ab eisdem Abbatissa et Conuentu exigis uiolenter, in ipsarum graue preiudicium et iacturam. Cum itaque prefatum Capitulum sepedictas decimas, que non spectabant ad ipsum, sub uendicionis, seu cuiusuis alterius concessionis titulo tibi concedere quoquo modo nequiuerit; Nobilitatem tuam pro primo, secundo et tercio peremptorio monitionis edicto monemus, tibi nichilominus, qua fungimur auctoritate, districte precipiendo mandantes, quatenus ab exactione dictarum decimarum prorsus abstineas et eas super ipsis de cetero non molestes. Et si forte causam racionabilem habere te credis, quare acquiescere non debeas huiusmodi nostris monitis et mandatis; tu infra XII dierum spacium compareas legitime et peremptorie coram nobis, allegaturus et ostensurus causam huiusmodi et alias facturus et recepturus super premissis, quod ordo dictauerit racionis. Alioquin contra te et in predictis, non obstante tua contumacia, uel absentia, prout iustum fuerit, procedemus, non obstante consuetudine Regni Vngarie, per quam dicitur obseruari, quod nullus, ad iudicium euocatus, teneatur coram Judice, coram quo uocatus existit, nisi post lapsum certi temporis, a die sibi assignati termini, in Judicio comparere. In cuius rei testimonium presentes litteras mandauimus nostri sigilli appensione muniri. Datum Posonij Nonas Martij, Pontificatus domini Bonifatij pape VIII. Anno VIII.
Sigillum e zona membr. pendet. Orig. pulchre exaratum in Arch. Aerarii Reg. Acta Mon. Tirn. fasc. 24. Nr. 2.
540.
1302. 9. Mart. - Praepositus et Capitulum Poson. quoad eligendum ex Canonicis Plebanum cum Magistratu Poson. concordant.
- - Magister Seraphinus Praepositus et Capitulum Ecclesiae Poson. - - quod cum inter nos et inter Hertlinum iudicem, iuratos et ciues Poson. vniuersos pro Ecclesia s. Saluatoris de ciuitate Poson. - - de praeficiendo sibi sacerdote, curam habente animarum - - quaestio - - debuisset ventillari; tandem - - ordinatum extitit salubriter in hunc modum: Quod idem Iudex et ciues Poson., concurrente consensu nostro eligent et eligere tenentur in perpetuum Sacerdotem de Collegio nostro ex Canonicis et non extra, ad

---