dictam excommunicationis sententiam incunsse: Discrecioni tue, qua fungimur, auctoritate committimus et sub excommunicationis pena precipiendo mandamus, quatenus, si, quod de occupatione et detentione dictorum iurium asseritur, ueritate fulcitur; ad denuntiationem dicte sententie excommunicationis procedas contra Canonicum, ac patrem et Laicos memoratos, prout de iure fuerit procedendum, ipsosque facias ab omnibus, tamquam excommunicatos, artius euitari. In cuius rei testimonium presentes litteras fecimus nostri sigilli appensione munirj. Datum Posonij X. kalendas Marcij, Pontificatus domini Bonifatij pape VIII. anno Octauo.
Sigillum ovale cerae rubrae, e zona membr. dependens, in summitate crucem a duabus mulieribus stipatam, sub hac tres sanctos in aediculis formae gothicae stantes, inferius autem praelatum genuflexum exhibet, cum hac inscriptione: (Sig.) Nicolai: Dei. Gra. Ostien. et. Velletren. Epi. - Orig. in Arch. Cap. Scepus. priv. Scrin. 11. fasc. 1. Nr. 7. - Nicolaus hic Episcopus munus legationis suscepit. 1301. 13. Maii (Theiner Monum. Hung. I. 385.) adeoque Constitutionem suam, in his literis memoratam, non multo post edere debuit et quidem certo certius in synodo, per eum Posonii celebrata, (Nr. 544.) ubi constanter resedisse videtur.
538.
1302. 20. Febr. - Angelus de Narnia Archidiaconus Nitriensis in Ecclesia Strigon., proventus huius Archidiaccnatus coram Nicolao Episcopo Ostiensi, Legato Papae, in Castro Poson. medio magistri Nicolai de Interampne, notarii eiusdem Legati, concessit ad firmam Ladislao Archidiacono Borsiensi, Canonico Strigon. ad sex annos annuis decem marcis argenti, octo soldis Venetorum grossorum argenti pro qualibet marca computatis.
Theiner Mon. Hung. I. 432. - Super hac conductione lis exorta est a. 1309. inter dictos Angelum et Ladislaum, tunc iam Episcopum Sirmiensem coram Gentili Cardinale. Ibid.
539.
1302. 7. Mart. - Nicolaus Ostiensis Episcopus, Legatus Papae, Comiti Albe a Monialibus Tirnaviensibus decimas, praetextu elocatarum sibi per Capitulum Strigon. decimarum, exigere prohibet.
Fratrer Nicolaus, miseracione diuina Ostiensis et Velletrensis Episcopus, apostolice sedis legatus, Nobili Viro, Comiti Albe, filio quondam Comitis Albe, Strigon. diocesis, Salutem in domino. Suam abbatissa et Conuentus Monasterij
Első
