536.
1302. 24. Jan. - Hermannus Abbas de Monte Pannoniae et Seraphinus Praepositus Posoniensis "super quadam Capella constituta per eosdem Abbatem et Conuentum in Villa Deanus (Dienesd) in preiudicium parochialis ecclesie sancti Martini de villa miser (Miserd), ad prefatam Preposituram immediate spectantis," coram magistro Altegrado, Cancellario Nicolai Legati, mediantibus Quinqueeclesiensi et Varadiensi Episcopis et magistro Paulo Praeposito Colocensi, conveniunt ita, "quod omnia iura spiritualia in predicta Capella - - ad archiepiscopum Strigon. et Prepositum Poson. - - secundum antiquum morem pertineant." Datum Posonii die 24. Jan. Pontificatus a. 8.
Nagy Cod. Andeg. I. 21.
537.
1302. 20. Febr. - Nicolaus Ostiensis Episcopus, Legatus Apostolicus, Nicolaum Canonicum Strigon. ob occupatam violenter Praeposituram Scepusiensem excommunicari praecipit.
Frater Nicolaus, miseracione Diuina Ostiensis et Velletrensis Episcopus, apostolice sedis Legatus, Religioso Viro ... Abbatj Monasterij sancte Marie Scipsiensis, Strigon. diocesis, Salutem in domino. Dudum quandam constitutionem meminimus edidisse, in qua inter cetera statuendum duximus et etiam ordinandum, ut nullus, infra Legationis nostre terminos constitutus, decimas, tributa, Castra, Villas, municiones, bona, possessiones et iura, ad Ecclesias, ac pia et Religiosa Loca et Ecclesiasticas personas spectantia, uel pertinentia, quoquo modo inuadere, occupare, uel contra uoluntatem ipsarum illicite detinere, uel ea ipsis quomodolibet spoliare, siue illos super ipsis grauare, aut turbare, seu molestare presummeret; in omnes illos, qui in premissis excesserant, nisi ea restituerent infra mensem, necnon in singulos de cetero inuadentes, occupantes et detinentes decimas, tributa, Castra, Villas, munitiones, bona, possessiones et iura predicta, uel ipsas eis spoliantes, seu super illis grauantes, turbantes, molestantes easdem, aut dantes in predictis auxilium, consilium, uel fauores, cuiuscunque forent conditionis, uel status, excommunicatiohis sententia promulgata. Cum itaque Nicolaus, filius filiciani, canonicus Strigon. eiusdem Patris sui, ac Nicolai, ipsius filiciani fratris et Cocosonj, ac Ricolfi de Scips, fratrum et Nicolai, filij Batitij de Gumir, laicorum Strigon. diocesis, munitus auxilio, post constitutionem et sententias supradictas, iura prepositure Ecclesie Scipsiensis, dicte diocesis, occupauerit uiolenter, eaque detineat occupata et propter hoc ipse, ac pater et laici supradicti noscantur

---