concanonicum aggregando ad quintam Vacantem (sic) dando eidem stallum in choro et uocem in Capitulo et in praebenda Canonicali eidem prouidendo, cum se ad hoc locus obtulerit et facultas. In cuius rei testimonium, Memoriamque firmiorem praesentes concessimus litteras, sigilli nostri Munimine roboratas. Datum in Vigilia Epiphaniae Domini, Anno domini (Millesimo) Trecentesimo Secundo.
Extus: "Originales literas habet Drascouitius Praepositus." (1555-1563.) E simplici copia sec. 16. in Arch. Cap. Poson. priv. Capsa K. fasc. 4. Nr. 9A2. - Ed. Knauz Magyar Sion. I. 636.
535.
1302. 24. Jan. - Electio Praepositi Scepusiensis coram Nicolao Legato Papae Capitulo Scepus. vindicatur.
IN nomine domini, Amen. Anno domini Millesimo CCCII. Indictione XV. Pontificatus domini Bonifatij pape VIII. Anno VIII. Die XXIIII. mensis Januarij, Constitutis coram Reuerendo Patre et domino, fratre Nicolao, dei gracia Ostiensi et Velletrensi Episcopo, apostolice sedis legato, Venerabilibus Patribus, dominis Paulo Episcopo Quinqueecclesiensi, fratre Antolino Episcopo Cenadiensi, Johanne Episcopo Nitriensi et discreto viro, domino Seraphino Preposito Posoniensi, in Camera ipsius domini Cardinalis, Idem legatus et dominus Altegradus de Lendenaria, Archipresbiter Paduanus, ipsius domini Legati Cancellarius, interrogauit eos omnes et singulos, ad quem spectabat electio, seu presentatio Prepositi Scypsiensis, cum uacabat Prepositura Scypsiensis, utrum ad Regem Vngarie, qui est pro tempore, uel ad Capitulum Scypsense, aut ad alium, uel alios. Et tunc Iidem Episcopi et Prepositus, omnes et singuli, unanimiter et concorditer responderunt, quod nec electio, nec presentatio Prepositi Scypsiensis spectabat ad Regem Vngarie, set solum ad Capitulum Scypsiense spectabat electio ipsa et spectare consueuit temporibus retroactis et confirmatio ipsius ad Archiepiscopum Strigon., qui est pro tempore, et quod Prepositus Scypsiensis, qui ultimo mortuus est, fuit electus per Capitulum Scypsiense et Archiepiscopus Strigon. confirmauit eundem. Actum Posonij in Camera dicti domini Legati.
Et ego Nicolaus Raynerij de Interamni apostolica, Imperialique auctoritate notarius publicus, predictis interrogationibus et responsionibus interfui et de mandato et auctoritate prefati domini Legati et eius Cancellarij scripsi et in publicam formam reddegi, meoque consueto signo signaui rogatus.
Orig. in Arch. Cap. Scepus. priv. non regestratum. - Ed. erronee Wagner Anal. Scepus. II. 282. et Fejér Cod. dipl. VIII. I. pag. 98.

---