532.
1301. - Anno domini Millesimo trecentesimo primo, dum Albertus Rector seu Plebanus (Ecclesiae nempe Budensis B. Mariae V.) coram reverendissimo in Christo Patre Domino Gregorio, sancte Romane Ecclesie Nuncio, Electoque et administratore Strigoniensis et Albensis Ecclesiarum, contra quondam Jacobum et Petrum, Presbyteros capelle sancti Petri, similiter pro omissione census debiti et aliis Juribus Ecclesie ipsius fuisset conquestus; idem Dominus Gregorius finaliter commisit, quod ad solutionem premissam tam per sentencias excommunicacionis, quam per pignoris ablacionem compellere posset.
E Codice Ms. Xystus Schler: Gregor. Lodomerii legitimus Successor Vindobonae 1768. pag. 13.; Katona Hist. Crit. VIII. 7.; Fejér Cod. dipl. VI. II. 307. et VIII. I. 69. et 70.
533.
1301. - Eodem anno mortuus est Andreas rex Ungarie sine heredibus et Bonifacius papa deputavit pro rege ibidem nepotem Karoli quondam regis Sicilie, natum ex filia Ruodolfi quondam Romani regis, qui etiam anno sequenti est in Strigonia coronatus, licet rex Boemie pro Wentzeslao filio suo idem regnum, et etiam multi alii aspirarent.
Annalium Salisburgens. continuatio Weichardi de Polhaim. Pertz Script. IX. 815. Male tamen mors Andreae a. 1300. assignatur. - Iisdem verbis Annales Hermanni Altahensis Continuatio Ratisbonensis. Pertz Script. XVII. 420.
534.
1302. 5. Jan. - Capitulum Poson. Nicolaum puerum ad quintam Vacantiam in Concanonicum recipit.
Nos Capitulum Ecclesiae Poson. Significamus Vniuersis, quibus expedit, praesentium per Tenorem, Quod quia Vir Venerabilis, Magister Bemphinus[520], Dominus et Praelatus noster, ex nostro communi beneplacito et consensu et assensu quendam Puerum bone indolis, Nomine Nicolaum, Videlicet filium Comitis Jacobi, Ciuis Poson., per suas litteras in Ecclesia sancti Saluatoris in Canonicum recepit et in fratrem; Nos ipsius facto assentientes, ad Maiorem cautelam litteras nostras concessimus, eundem in nostrum consortium et concanonicum

---

[520] Rectius: Seraphinus.