dedisset, donasset et tradidisset, iure perpetuo in filios filiorum inrevocabiliter possidendam, habendam et tenendam. Ladizlao uero sepedicto usque finem uite sue simil(iter dictam) possessionem cum utilitatibus suis supradictis dedisset et asignasset possidendam et tenendam. (In cuius r)ei testimonium presentes concessimus litteras, sigilli nostri munimine roboratas. Datum feria quarta proxima post festum beati Vrbani pape et martiris. Anno domini M°. CCC°. I°.
A. B. C.
Sigillum cum zona periit. Voces parenthesi inclusae et annus ob scripturam evanidam clare non apparent. Orig. in Arch. Cap. Poson. publ. Capsa 14. fasc. 18. Nr. 2.
522.
1301. 30. Jul. - Joannes Archiepiscopus Colocensis, Andreas Agriensis, Hab Vaciensis, Jacobus Scepusiensis, Antonius Csanadiensis Episcopi, Ecclesiae b. Virginis in Tyrna, "in qua sorores ordinis sancte Clare deuote iugiter domino famulantur," singillatim quadraginta dierum indulgentias concedunt, "dummodo ad hoc dyocesani accedat consensus, vel idque (velitque?) fauore annuere speciali. Datum in Tyrna III. Kal. Augusti."
Nagy Cod. Andegavensis. I. 14.
523.
1301. 20. Sept. - Capitulum Scepusiense, mortuo Jacobo Praeposito suo, Paulum Praepositura Colocensem per compromissum eligit, electionemque hanc Legato Sedis Apostolicae insinuat.
Venerabili in xpo. patri, domino fratri N., miseracione diuina Episcopo Ostiensi et Weretrensi, sacro sancte Romane sedis legato Cardinali, humile Capitulum ecclesie beati Martini de cypus reuerencie debitum et deuota suspiria ad dominum pro eodem. Nouerit paternitas uestra, quod venerabili patre, domino Jacobo Episcopo, felicis recordacionis preposito nostro, viam vniuerse carnis ingresso et corpore eius ecclesiastice tradito sepulture, licet crudelitatis exsecrabilis euentu uehementis doloris aculeis perturbati, ob piam eius memoriam lamentabiles gemitus reddere cogeremur; ne tamen per defectum pastoris gregem dominicum lupus rapax inuadat et nos de ecclesia nostra, pastoris destituti solacio, temporaliter et spiritualiter graue dispendium paciamur; Conuocatis omnibus absentibus concanonicis nostris, qui debuerunt,
Első
