uoluerunt et potuerunt commode interesse, Anno domini M°. CCC°. primo, XIImo. kalendas octobris, Jndictione XIIIIma, in ecclesia nostra collegiata, inuocata sancti spiritus gracia, placuit nobis vniuersaliter singulis et singulariter vniuersis ad eleccionem futuri prelati per formam procedere compromissi. Electis itaque ex nobis tribus compromisarijs viris ydoneis et fide dignis, Merclino uidelicet Cantore, Magistro Marco et Magistro Stephano, concanonicis nostris, in quos omnes et singuli nostrum eligendi nobis prepositum transfudimus potestatem. Ipsi compromissarij in partem secedentes et aliquamdiu inter se tractatum habentes, absque alicuius dissidij scrupulo ad nos reuersi, per predictum Magistrum Cantorem, vnum ex ipsis, eleccionem, per eos de persona discreti viri, Magistri Pauli, prepositi Colocensis, concorditer factam, mox nobis reliquis de capitulo, necnon toti clero in communi publicari fecerunt per hec uerba:
Ego Merclinus Cantor ecclesie beati martini confessoris de Cypus, uice et nomine compromissariorum meorum et meo, data michi per eosdem licencia et auctoritate, discretum virum, magistrum Paulum, prepositum Colocensem, in quo nobis placuit uite uirtus, honestas morum, sciencia litteralis, in nomine domini ihu., ad honorem beati Martini confessoris, necnon utilitatem et profectum temporalem et spiritualem ecclesie nostre, atque nostrum, deum pre oculis habens, eligo ecclesie nostre et nobis omnibus in prepositum et prelatum.
quo nos gratanter audito, vnanimiter et concorditer consensimus eleccioni, per ipsos canonice celebrate et gaudentes in domino, cum laudum ymno (sic) ad altare processimus, grates reddentes creatori, presens quoque decretum confici fecimus, ac formari, nostris subscripcionibus, sigillo Capituli, necnon nostris roborantes.
(A dextris:)
Ego Ipolitus lector ecclesie sancti Martini de Scepes huic eleccioni interfui, consensi, subscripsi manu propria et sigillum meum apposui.
Ego Johannes Custos eccl. s. Mart. de Scepus Huic electioni interfui, consensi, subscribique feci per manus heinrici et sigillum meum apposui.
Ego magister Jacobus canonicus eccl. s. Mart. de Scypes huic eleccioni interfui, consensi, per manus marci presbiteri feci subscribi et sigillum meum aposui.
Ego Gobulmus Canonicus eccl. s. Mart. de scepes supradictis omnibus consensi et per manus magistri Petri feci subscribi et sigillum meum appossui.
Ego Herricus canonicus eccl. s. Mart. de scypis supradictis omnibus con sensi et per manus magistri salomonis subscribi feci et sigillum domini Goblini apposui.

---