Sedilini, in hijs scriptis excommunicacionis sentenciam promulgamus, tradentes eos sathane ad interitum carnis, ut spiritus eorum in die domini salui fiant; quocirca deuocioni vestre in uirtuti obediencie firmiter precipiendo mandamus, quatenus prefatos macellarios, nominatim expressos, tamquam excommunicatos euitetis et faciatis ab omnibus arcius euitari, pulsatis campanis et extinctis candelis singulis diebus dominicis et festiuis, donec satisfaccione prehabita, a nobis secundum claues ecclesie absolucionis graciam mereantur. Si qui enim communicauerint cum eisdem consilio, auxilio, uel fauore, uel in usu macelli, parem excommunicacionis penam, ex comunione huiusmodi se nouerint incurrisse. Datum anno domini M°. CC°. nonagesimo quarto, in festo exaltacionis sancte crucis.
Sig. e rubro et flavo serico pendebat. Orig. maiusculis literis pulcare conscriptum in Arch. Cap. Strig. priv. Lad. 41. fasc. 3. Nro. 7. - Ed. Fejér Cod. dipl. VI. I. 286.
361.
1294. - Capitulum Strigon. magistrum Petrum Concanonicum curiam in villa Pegen octo marcis emptam, Altariae B. M. V. donasse testatur.
Capitulum Ecclesic Strigon. Significamus vniuersis, quibus expedit, presencium litterarum noticiam habituris, Memorie commendantes, Quod Ladislaus et Fabianus, Nepotes condam Magistri Chepani concanonicj nostri et archidiaconi de Saswar, pro se, et domina lilium, mater eorum, ad nostram accedentes presenciam, domos et Curiam dicti magistri Chepani empticias, in solo nostro pegen[426], in vicinia domorum et Curie Bolandi presbiteri, socij et concanor ci nostri charissimi, a parte orientali, cum horto et alijs vtilitatibus ac pertinencijs suis vniuersis, pro quantitate octo marcharum, plenarie receptarum, se confessi sunt vendidisse et assignasse discreto viro, magistro Petro, socio et concanonico nostro charissimo, fratri Venerabilis patris, domini Pascasij, dej gracia Episcopi Nitriensis, in perpetuum possidendas; obligando se dicti Ladislaus et Fabianus ad expediendum ipsum Magistrum Petrum, si quam super ipsa Curia per quempiam orirj contingeret questionem, in proprijs suis laboribus, sumptibus et expensis. quas quidem domos et Curiam cum eisdem suis pertinencijs, vt superius est expressum, Idem Magister Petrus, ad beatam Virginem, matrem misericordie, habens deuocionem et reuerenciam specialem, cupiensque eiusdem beate virginis, diuina clemencia sibi celitus

[426] Villa haec in transsumpto Ludovici II. Regis a. 1519. sic definitur: "in Villa pechen, Suburbio scilicet Castrj Strigon."