Datum Strigonij, tercio Die octauarum Sancti Regis Stephani, anno Domini Myllessymo Ducentessimo Nonagessimo quarto.
In parte aversa: "Subieccio prepositi et Conuentus fratrum suprapelliciatorum de Tuul," tardior manus adiecit: "tantum Archiepiscopis Strigon." - Sigillum sat bene conservatum e filis cannabeis pendens, pag. 99. exhibemus. Orig., intacte servatum, in Arch. Primat. vet. eccl. Nr. 17. - Ed. Pray Dissert. de s. Salamone et Emerico. pag. 83.; Katona Hist. Crit. VI. 1126.; Fejér Cod. dipl. IV. III. 472. VI. I. 322. et VII. V. 523.
360.
1294. 14. Sept. - Lodomerius Archiepiscopus Strigon. laniones Strigon., quia macella in preiudicium Capituli aliorum transtulerunt, excommunicat.
Lodomerius, miseracione diuina Archiepiscopus Strigon., locique eiusdem comes perpetuus, dilectis in X°. filijs, conuentualibus et religiosis locis, plebanis et ecclesiarum parrochyalium sacerdotibus et clericis vniuersis, in ciuitate et districtu Strigon. constitutis, quibus hostendentur presentes, salutem cum dileccione et benediccione paterna. Exigunt cause rerum, ut in eos iura insurgant, qui ius, iudicem et partem eludunt; macellarij siquidem Strigoniensis ciuitatis presumpcione temeraria mutatis locis et macellis boum, unde fratribus nostris, honorabili scilicet capitulo Strigon., de singulis cutibus boum in tributo, antiquo more, medie cutis porcio debebatur, post exortam litem inter dictum capitulum et ciues Strigon. ausi sunt a festo omnium sanctorum in alijs latibulis et locis indebitis usum predictorum transferre macellorum, per nimiam excogitatam maliciam et seuiciam in preiudicium Capituli prenotati, vt porcione tributi, sibi debiti, fraudarentur; quadraginta quinque marcarum, iuxta extimacionem communem, usque ad hec tempora dampnum inferentes eisdem; et licet multis monitis paternalibus institerimus erga ipsos, ut a tali insolencia se penitus cohiberent, quia tamen non profecimus erga ipsos, nec eciam diffinitiuam sentenciam domini nostri Andree, dei gracia illustris regis Vngarie, ut ad loca pristina reuertantur, iura, Capitulo debita, cum integritate soluendo, obseruare curarunt; ne peruersorum inordinata compago statum ueritatis ualeat immutare, attendentes, quod ferro abcidenda (sic) sunt uulnera, que fomentorum non recipiunt medicinam: iuxta auctoritatem canonum paternorum, In nomine domini, auctoritate dei omnipotentis et beatorum apostolorum Petri ac Pauli et beati Adalberti, ac nostra metropolitica potestate, in predictos macellarios boum, scilicet Abertinum et alium Abertinum, Luduuicum, Valentinum, Mathyam lougum et alium Mathyam paruum, Menhardum, Ladizlaum, Jako, Benedictum, Colinum, Dyonisium, Johannem et duos fratres