inspirante, seruicijs deuocius inherere; pro singularum missarum solemnijs, in altari eiusdem beate Virginis, in nostra Ecclesia constituto, omni diluculo, siue mane perpetuo celebrandis eiusdem beate virginis ad titulum, memoriam, gloriam et honorem, pro anime sue remedio, in ministerium earumdem missarum et in vsus, ac residenciam suorum sacerdotum, pro tempore constitutorum, ordinauit et assignauit in perpetuum salubriter relinquendo, de nostro beneplacito et consensu; pensione tamen, seu terragio, collectis, ac alijs Juribus ipsius fundj, que ad nos pertinuerunt et pertinere debent, remanentibus nobis semper saluis. Vt igitur huius empcionis et donacionis salutifere series robur obtineat perpetue firmitatis, Nec processu temporis per quempiam valeat retractari; ad peticionem et Instanciam eiusdem Magistri Petri presentes litteras in memoriam sempiternam sigilli nostri appensione dari fecimus communitas. Datum per manus discretj virj, Magistri Cipriani, Ecclesie nostre lectoris, anno domini Millesimo ducentesimo Nonagesimo quarto.
E transsumpto Ludovici II. Regis a. 1519. In Arch. Cap. Strigon. priv. Lad. 47. fasc. 5. Nr. 1. - Ed. Fejér Cod. dipl. VI. I. 319. et extr. ibid. 340. - Petrus hic Canonicus Strigon. paulo post dimisso Canonicatu, ordinum Eremitarum s. Pauli in claustro s. Crucis de Pilis ingressus est. Vide Nrum. 418.
362.
1294. - Capitulum Strigon. literas suas super terra quadam inter Danubium et aquam Mirel sita editas, in formam privilegii rescribit per manus magistri Cypriani Lectoris.
Fejér Cod. dipl. VII. III. 101.
363.
1294. - Capitulum Budense testatur, "quod Magister Ladizlaus Lector Ecclesie nostre, uir nobilis, filius Comitis Dama, de Bolug" possessionem suam Meger, iuxta Danubium in Comitatu Pestiensi prope Budam existentem, "que ad ipsum permutacionis titulo ex parte domini Ladizlai (sic) miseracione Diuina Archiepiscopi Strigon. lociqut: eiusdem Comitis Perpetui, de conniuencia et assensu Capituli eiusdem Ecclesie Strigon., sicut in litteris priuilegialibus ipsius domini Archiepiscopi uidimus contineri, in concambium ville sue Keysyg uocate, prope siluam Bersen, in archiepiscopalis iuris dominium applicate, fuerat deuoluta," vendiderit centum et viginti marcis argenti "discreto uiro Magistro Theodoro, Preposito Albensis Ecclesie, aule domini