Andree Agriensi, Benedicto Wesprimiensi, Paulo Quinqueecclesiensi, Benedicto Albe Bulgarice et Haab Waciensi, diuina disponente clemencia, ecclesiarum Episcopis; Dominico magistro Tawarnicorum nostrorum, Ladyzlao magistro Dapiferorum nostrorum, Stephano, filio Erney, magistro Tauarnicorum domine Regine, karissime consortis nostre; Ladyzlao, filio Lucach magistro Tauarnicorum domine Th., dei gracia Regine senioris, matris nostre, et alijs quam pluribus baronibus et nobilibus Regni nostri, et specialiter assistente nobis eadem domina Th., Regina seniori, karissima matre nostra, eisdemque semel, secundo et tercio, pluribusque consultis uicibus; ex ipsorum omnium consilio, conniuencia et consensu, ex euidenter falsa et iniqua prefatorum Ciuium turbatiua inquietacione, dictos venerabilem patrem, capitulumque suum, prepositum et Ecclesiam sancti Thome pure et simpliciter duximus absoluendos; ipsis Ciuibus super premissis eorum inquietatiua turbacione, tam in possessorio, quam in petitorio, perpetuum silencium imponentes, per diffinitiuam sentenciam decernendo: Vt archyepiscopales, Capituli Strigon., et Ecclesie sancti Thome populos, intra fossatum Ciuitatis Strigon. et extra constitutos, nec in ius uocare; Judicis, iuratorum assistere iudicio; nec ullam, nacta occasione aliqua, exigere collectam debeant, uel audeant; nec in eos iurisdiccionem, seu cohercionem aliquam exercere; quod si contrarium attemptare presumpserint: omnem penam pecuniariam et personalem, in quibus ad nostram, karissime matris nostre, venerabilium patrum, baronum et plurimorum nobilium Regni nostri instanciam, idem venerabilis Pater et Capitulum suum liberaliter condescendentes, remissionis eis facere graciam promiserunt, et si uel appellacionis, seu prouocacionis, siue sub aliquo alio fucate sue malicie uelamento circa omnes premissos articulos, uel singulos premissorum, sopitam litem refricare et in recidiue dissensionis presumpserint resuscitare scrupulum; penas pecuniarias et personales, quarum remissionem nostra, karissime matris nostre, venerabilium patrum, baronum et nobilium Regni nostri optinuit interuencio, et excommunicacionis sentencie, de qua eos absolui nostra et premissarum omnium personarum, nobis assistencium, frequens et assidua, non sine multa difficultate, potuit instancia, ipso facto subici merebuntur. Nec liceat eis aliquo priuilegio, aurea, uel cerea bulla presso, super premissis omnibus uti in figura iudicij, uel extra, contra Archyepiscopum, Capitulumque suum, prepositum et ecclesiam sancti Thome; quantum ad venerabilem patrem et ecclesiam suam Strigon. circa omnia premissa et singula premissorum, Reuocatis in irritum eorumdem Ciuium aureis uel cereis omnibus instrumentis; Subituris nichylominus Ciuibus penam, quam refricatoribus et recidiuatoribus sopitarum per diffinitiuam sentenciam questionum inponunt utrorumque iurium legitime sancciones et non leuis auctoritatis tocius Regni nostri, ut premisimus, mos uulgatus. Vt autem de fundis, Curijs, areis, seu edificijs, predictarum Strigoniensis