pignora restituere deberent integraliter et ad plenum; ipsi Ciues, assumpto rebellionis spiritu, non solum collectas perceptas et capta per iniuriosam uiolenciam restituere detractarunt pignora; sed eciam ipsum Strigoniensem et sancti Thome prepositum et Capitulum a suis populis consuetam exigere collectam, manu armata, uerbis contumeliosis et ignominiosis, nostro, Albensis et Budensis Capitulorum hominibus presentibus, non sunt ueriti prohibere, procuratores dictorum Capitulorum, ad dicandam et exigendam deputatos collectam, Fulkmarium presbiterum et magistrum Andream, Canonicos ecclesie Strigon., obprobriosis afficientes conuicijs et orrendis comminacionibus deterrentes et penitus repellentes; quandam eciam mulierem, uxorem Stephani de Peygen, iobagionis eiusdem Capituli Strigon., quam ijdem Judex et Ciues contra iusticiam captiuarunt, ad mandatum karissime[414] matris nostre remiserunt. prout per litteras eiusdem genitricis nostre collegimus euidenter. Item quodam die fori, in eodem foro quendam iobagionem eiusdem Capituli, nomine Petrum carnificem, qui habet domum extra fossatum, uterque Mathyas et Lwdwykus, macellarij Strigonienses, publice uerberarunt et ad Stephanum, uillicum Strigon., adduxerunt captiuatum. Ceterum in die Pentecosten quendam molendynarium eiusdem venerabilis patris, domini Archyepiscopi, inter macella de Strigonio macellarij, seu carnifices Strigon. in naso orribilter uulnerarunt et ipsum capitulum Strigon. de subponendis sustentaculis deambulatorij Palacij domine Zenye, quod est ipsius Capituli, ijdem Judex et Ciues, lite pendente, prohibuerunt, contra procuratores Capituli prenotati potencialiter insurgentes. Preterea comes Kunclynus, Ciuis Strigon., Lampertum iobagionem ecclesie sancti Thome martiris de promontorio Strigon., contra libertatem predicte ecclesie sancti Thome captiuauit, eundem nouem diebus et totidem noctibus in sua captiuitate detinendo; prout hec omnia et alia quam plurima grauamina, que presentibus propter dispendium non inseruimus, fidelium nostrorum, ad hoc specialiter deputatorum, videlicet discreti viri, magistri Demetrij, Albensis ecclesie Canonici, nostri familiaris et specialis clerici, et comitis Petri Syculi, necnon Stephani presbiteri, capellani nostri ueridica relacio patefecit, ae eciam speciales nobis misse Albensis et Budensis Capitulorum et magistri ac Conuentus Cruciferorum domus hospitalis sancti Regis Stephani de Strigonio, de mandato nostro speciali, inquisitorie littere manifestime (sic) plenam fidem facientes, declararunt. Nos igitur venerabilibus Patribus et dominis

[414] Péterffy (Conc. I. 132.) loco karissime legit: Catharinac et subiicit: "Indubitatum iam est, Stephani Posthumi coniugem, et Matrem Andreae Regis fuisse Catharinam, e gente Thomasinorum; non autem Claram Goritiensem, quam hucusque sane multi Andreae adscripserunt." Ecce quomodo e mala lectione historia depravatur! - Péterffyum sequitur Katona; Fejér autem prorsus arbitrarie pro karissime ponit Thomasinac.