Katupan; Laurencius et Anyanus magistri; Petrus decanus, et magister Dominicus prepositus Waciensis; magister Nicolaus, et magister Franciscus, prepositus eiusdem ecclesie sancti Thome, canonici ecclesie Strigon., suo et tocius Capituli Strigon., ecclesieque sancti Thome de promontorio Strigon. nomine, iuxta examen nostri iudicij, presente discreto viro, magistro Theodoro, preposito albensis ecclesie, aule nostre wicecancellario, ad hoc a nobis specialiter deputato, coram Religiosis viris, Wytkone, fratre Domus Hospitalis; fratre Nycolao, magistro Cruciferorum sancti Regis Stephani de Strigonio, et Bankone fratre eiusdem, in capella sancti Blasij, in Curia Hosptalis, aput Strigonium existente, quamuis ex superhabundati indictum per nos iudicialiter, vocatis quidem ex eisdem Ciuibus ex mandato nostro, sed se contumaciter absentantibus, nec tamen predictam, de prefato iuramento ipsis presentibus in figura iudicij per nostram maiestatem factam, ordinacionem ignorantibus, prestiterunt corporaliter iuramentum: quod idem venerabilis pater, dominus Archyepiscopus et Capitulum Strigon., ac ecclesia sancti Thome a temporibus retroactis, quorum memoria non existit, fuerunt in possessione omnium premissorum, cum pleno iure proprietatis et perpetui dominij; prout multorum progenitorum nostrorum, illustrium Regum Regni Hungarie, antiqua et noua per succedentes Reges, tritauos, atauos, proauos, auosque nostros omni excepcione maiora et luce meridiana clariora luculencius indicant instrumenta. Ad quorum eciam maliciam, ex uiuis racionibus et causis perspicuis conuincendam, satis sufficere potuerunt perpetrate per eos nostrarum diffinicionum transgressiones et obligaciones, consencientibus tam ipso venerabili Patre et Capitulo suo, quam Ciuibus, per nos interposite inter partes. Cum enim per nostram serenitatem impositum et per utramque partem sponte, ydonee et simpliciter, sine quauis refragacione fuerit assumptum, vt, lite pendente, nichil omnino in alterutrius partis preiudicium debeat attemptari; alioquin contrarium faciens, et amissione tocius cause mote, et penis grauibus, tamquam ordinacionis et diffinicionis Regalis temerarius, fastuosus et presumptuosus transgressor, pro suorum qualitate facinorum, penis debeat legitimis subiacere; ijdem Ciues expressa in premissis ordinamenta nostra temere contempnentes, et in auctorttatis Regie pondere non ponentes, iobagiones, populos, mansos et mansionarios venerabilis patris, Domini Archiepiscopi, Capitulique sui et ecclesie sancti Thome de promontorio Strigon., intra fossatum adhuc et extra, sicut quendam, Abraam uocatum, uillicum uille Capituli Strigon. de Keztelch, incarcerantes et captiuis uinculis mancipantes, coram homine nostro, Johanne, fratre Botyz, ad speciale mandatum nostrum de suis demum relaxauere uinculis et carcere, quo tenebant; Et cum sub districto eis imposuissemus mandato, vt collectas, a populis venerabilis patris, Capitulique sui et ecclesie sancti Thome uiolenter receptas et effractis capta foribus dictorum populorum