presentis scripti patrocinio et Dupplicis Sigilli nostri appensione ea nichilominus fecimus in perpetuum communiri. Datum per manus venerabilis patris, domini Benedicti, diuina fauente miseracione Episcopi Wesprimiensis, aule nostre Cancellarij, fidelis nostri. Anno domini Millesimo, Ducentesimo, Nonagesimo Quarto, in capite kalendarum mensis Marcij.
Fragmen sigilli e serico albo et caeruleo pendet. Orig. in Arch. Prim. Sec. Lad. T. fasc. 1. Nro. 9. - Edidit Fejér Cod. dipl. VI. I. pag. 318. - Paulus hic Episcopus, ut vidimus, a. 1287-1293. Praepositus Strigon. erat.
353.
1294. 1. Apr. - Capitulum Strigon. terram quandam Strigon. Nicolao Aranyos elocat.
Uniuersis, presentes litteras inspecturis, Capitulum ecclesie Strigon. salutem in domino sempiternam. Ad vniuersorum noticiam tenore presencium volumus peruenire, Quod nos respicientes nostre ecclesie meliora, totalem terram nostram, sitam inter minorem Danubium et inter clausuram molendinorum nostrorum de Taplycha de Strigonio, a stagno, quod Nycolaus aurifaber Strigoniensis fecit ibidem, nobis contradicentibus et inuitis, usque ad locum molendini eiusdem Nycolai et fossatum seu meatum aque, de loco eiusdem molendini in minorem Danubium decurrentis, ab eodem Nycolao propter ipsius insolencias et inportunitates multimodas iure dominij reuocantes, vnacum alia terra nostra, que incipit ab angulo orti Heremitarum de Claustro sancte anne et ueniendo circa sepem orti kunch pelliparij, iobagionis nostri, usque meatum fluuij, de clausuris eorumdem molendinorum nostrorum exeuntis, et usque ad fossatum Strigoniense existit, Nycolao, filio Martini, aduenticio in Strigonium de villa aranyas, de partibus montis Matra, et obhoc aranyas uulgariter appellatur, ac per eum suis heredibus, Myconi videlicet, Mychaeli et alijs nascituris, locauimus et dedimus in perpetuum plenarie possidendam. Condicione tamen huiusmodi mediante, vt per spacium quatuor annorum, proxime futurorum, a data presencium scilicet continue computando, idem Nycolaus et sui heredes ac posteri racione terragij annualis nobis nichil dare debebunt; quinto autem anno et sic deinceps perpetuo, annuatim soluent nobis fertonem vsualium regalium monetarum, tunc temporis ad valorem mercimonialis argenti in ciuitate Strigoniensi currentis: et eiusdem Nycolai et suorum heredum (sic) ad edificacionem domorum, edium et murorum, eiusdem terre nostre in facie construendorum, de monte nostro de Taplycha lapides usque ad sufficienciam concedemus; Balneorum et molendinorum nostrorum via et loco molendini eiusdem Nycolai ibi nichilominus libere remanente. Insuper eidem Nycolao et