munimine roboratas. Datum anno incarnacionis dominice M°. Ducentesimo nonagesimo tercio.
Fragmen sigilli e rubro et viridi serico pendet. Orig. in Arch. Cap. Poson. publ. Capsa 14. fasc. 4. Nr. 2. - Ed. Wenzel Cod. Arp. V. 90., ubi tamen pro Lodomerio erronee Ladislaus scribitur.
352.
1294. 1. Martii. - Fenenna Regina Tomi I. Nros. 691. et 735. transsumit et confirmat.
Fenenna, dei gracia Regina Hungarie, Vniuersis, presentes litteras inspecturis, salutem in domino. Justis petencium desiderijs facilem nos decet prebere consensum, et vota, que a racionis tramite non discordant, effectu prosequente complere. Proinde ad vniuersorum noticiam, tenore presencium volumus peruenire, Quod venerabilis in xpo. pater, dominus Paulus, miseracione diuina Episcopus Quinqueecclesiensis, fidelis noster, et comes Mychael, ac magister Paulus, filij comitis Benedicti, fratris domini Pauli, quondam Episcopi Wesprimiensis, bone memorie, sui fratres karissimi, seu nepotes, ad nostram presenciam accedentes, duo priuilegia domine Marie, felicis recordacionis, olim inclite Regine Hungarie, karissime socrus nostre, Consortis domini Bele quarti, pie memorie, quondam Illustris Regis Hungarorum, super collacione et donacione trium terrarum Reginalium, Wyceps, Munoros, et Munkad uulgariter uocatarum, eidem Comiti Benedicto et suis posteris, ex parte eiusdem domine Marie Regine facta iam dudum, nobis exhibuerunt confecta, cum instancia supplicantes, vt eadem priuilegia ratificare, approbare et nostro dignaremur priuilegio confirmare. Ex quibus quidem priuilegijs tenor primi est talis:
Sequitur Tomi I. Nrus. 691, pag. 530.
Item secundum Priuilegium continet talem formam:
Sequitur Tomi I. Nrus. 735. pag. 570.
Nos autem prenotatas priuilegiales litteras eiusdem domine Marie considerantes esse non abrasas, non abolitas, non cancellatas, nec peccantes, uel viciatas in aliqua sui parte, scilicet Carta, serico et Sigillo, Sed rite, iuste, prouide et legitime ac racionabiliter inpetratas, peticionemque eiusdem domini Episcopi et fratrum suorum supradictorum attendentes esse iuri consonam et congruam racioni, ac de iusticia in hac parte legaliter et liberaliter admittendam; predicta duo priuilegia eiusdem domine Marie Regine, in tenorem presencium de uerbo ad uerbum inseri, redigi et transcribi facientes, quemadmodum est premissum, in signum approbacionis et ratihcacionis nostre,