350.
1293. 28. Oct. - Mathaeus Agasonum et Chaak Ensiferorum magistri Domini Regis, coram Lodomerio Archiepiscopo Strigon. praestito corporali iuramento et data fide promittunt Cives Posonienses in libertate, a Rege Andrea III. concessa, conservare. - Datum Posonii in festo Apostolorum Simonis et Judae.
Fejér Cod. dipl. VI. I. 269.
351.
1293. - Capitulum Poson. Communitatem villae Doborgaz Jacobo Szentgyörgyi octo iugera terrarum vendidisse perhibet.
A. B. C.
Vniuersis xpi. fidelibus, presentes litteras inspecturis, Capitulum ecclesie Poson. Salutem in salutis largitore. Ad vniuersorum noticiam tenore presencium volumus peruenire, quod constitutis personaliter coram nobis Paulo filio primus, karolo filio kyris, kozma filio Buhte, Matheo filio Jako, pro se et pro tota uilla Dobrogoz, ab una parte; Jacobo filio Petri de sancto Georgio, Johanne filio voncha, pro se et pro cognatis suis, scilicet filijs Chwnur et filijs kemin, ab altera; idem Paulus cum omnibus socijs suis supradictis est confessus oraculo viue uocis, quod ipsi per venerabilem patrem Lodomerium, dei gracia archiepiscopum Strigon., dominum ipsorum, in maiorem libertatem volentes se transferre, et tempore tribulacionis per nimiam destruccionem depauperati extitissent et quam plurimum expensa indigerent; octo iugera terrarum arabilium de proprijs hereditarijs eorumdem, que iacent circa terram Jacobi antedicti, quorum vnus finis tendit uersus viam Dobrogoz, alius uadit ad magnam viam, que ducit in Chyliztu et dicitur via publica, ex communi voluntate uendiderunt pro quatuor marcis latorum denariorum Jacobo supradicto et per eum in filios filiorum suorum iure hereditario in perpetuum possidenda; ita tamen, quod de predicta terra omnes generaciones Jacobi, scilicet Johannes filius voncha, sicut dixit coram nobis, nullam uim facientes, quia ad empcionem terre Jacobum in nullo adiuuantes (sic), sed omnino Jacobo sepedicto remanebit. dicimus eciam, quod idem Jacobus mediam marcam in dicto negocio laborando dicit expendisse. Obligans se eciam tota uilla Dobrogoz, quod quicumque processu temporum Jacobum sepedictum super predicta terra uellent molestare seu agrauare, tenebitur expedire proprijs laboribus et expensis. In cuius rei testimonium nostras litteras concessimus, sigilli nostri munimine

---