suis heredibus, ac posteritatibus promisimus liberaliter et libenter, vt melioraciones suas, si quas super facie eiusdem terre nostre fecerint suis laboribus et expensis et ullo umquam tempore uendicioni duxerint exponendas, nobis prius requisitis, ut expedit terre dominis, si nos eas ad nos non decreuerimus redimendas, alijs hominibus vendendi, sub premisso honere et debito condicionis, habebunt liberam facultatem. In cuius rey firmitatem et memoriam Sempiternam presentes litteras eidem Nycolao et suis heredibus Sigilli nostri appensione dedimus communitas. Datum per manus discreti viri, magistri Cypriani, ecclesie nostre Lectoris. Anno domini Millesimo Ducentesimo Nonagesimo Quarto, in capite kalendarum mensis aprilis.
A. B. C.
A tergo: "Priuilegium Nicolai Aureosi et suorum heredum de terra eis circa Taplycha concessa;" alia manus adiecit: 7,iuxta molendinum aque taplicha inter claustrum sancte anne." - Sig. extritum e rubro et flavo serico pendet. - Orig. In Arch. Cap. Strig. priv. Lad. 24. fasc. 1. Nro. 18. - Extr. Fejér Cod. dipl. VI. I. 340. - Ed. Cod. Strig. II. 197. et Wenzel Cod. Arp. X. 154.
354.
1294. 1. Maii. - Lodomerius Archiepiscopus et Capitulum Strigon. Missam, per magistrum Petrum Canonicum Strigon. in honorem B. M. V. fundatam et dotatam, ex parte sua approbant et confirmant.
Lodomerius, miseracione diuina Strigon. Archiepiscopus et Comes perpetuus loci eiusdem, ac totum Capitulum Ecclesie Strigon. Vniuersis, presentes litteras inspecturis, Salutem in domino sempiternam. Humane consideracionis obtuitus (sic) ostendit et demonstracio suggerit racionis, beatam virginem gloriosissimam, dei genitricem Mariam, esse super omnia reuerendam, Cuius misericordialis Interuentus apud suum filium, dominum nostrum Jesum xpm. lapsus hominum corrigit et excessus, cadentes releuat et vt plenissime mater gracie fatigatos quoslibet et a bono opere torpentes non solum suo patrocinio corroborat et confortat, Sed, impetrata a filio suo gracia, in viam dirigit salutarem. Hinc est, quod ad vniuersorum noticiam tenore presencium volumus peruenire, quod petita super hoc facto a nobis licencia et obtenta, ac nostra beniuolencia et conniuencia nichilominus concurrente; bone enim rej dare consultum et pio operi subuenire, et presentis vite subsidium et eterne remuneracionis premium cernitur expectare; Ideoque discietus Vir, magister Petrus, socius et concanonicus noster charissimus, frater Venerabilis patris, domini Pascasij, dei gracia Episcopi Nitriensis, ad ipsam beatam virginem habens deuocionem et Reuerenciam specialem, Cupiensque eiusdum beate virginis