Sigillum e rubro flavoque serico pendebat. Orig. in Arch. Prim. Sec. Lad. J. fasc. 1. Nro. 9. - Ed. Cod. Strig. I. 103.
344.
1293. 8. Maii. - Andreas III. transscribit Nrum. 265.
(A)Ndreas, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus xpi. fidelibus, presentem paginam inspecturis, salutem in omnium saluatore. Ad vniuersorum, tam presencium, quam futurorum, noticiam harum serie volumus peruenire, Quod discreti viri, Capitulum ecclesie nostre Strigon., fideles nostri, litteras nostras patentes, super facto populorum suorum olim confectas, nobis et quampluribus prelatis, baronibus et nobilibus Regni nostri, in eadem ecclesia Strigon. existentibus inter eos, nobis exhibuerunt, petentes cum (instancia) ut ipsas approbantes, ratas et acceptas habere et nostro dignaremur priuilegio faccre confirmari; quarum tenor est talis:
Sequitur Nrus. 265.
Nos igitur peticionibus predilectorum et fidelium nostrorum, predictorum Capituli Strigon., iustis, legitimis et modestis, fauorabiliter inclinati, prefatas patentes litteras nostras, nobis exhibitas, non Cancellatas, non abrasas, non abolitas, non viciatas, nec in aliqua sui parte dimiuatas, de verbo ad uerbum presentibus inseri faciendo, nostro tecimus priuilegio confirmari. In cuius rei memoriam et perpetuam firmitatem presentes concessimus litteras, dupplicis sigilli nostri munimine roboratas. Datum per manus discreti viri, magistri Theodori, albensis ecclesie prepositi, aule nostre viceCancellarij, dilecti et fidelis nostri. Anno domini M°. CC°. nonagesimo tercio, octauo ydus Maij, Regni autem nostri Anno Tercio.
Sigillum e rubro et flavo serico pendebat. Orig. exesum in Arch. Cap. Strig. priv. Lad. 47. fasc. 4. Nro. 6. - Edidit Fejér Cod. dipl. VI. I. pag. 235. - Literae hae, ut textus ostendit, Strigonii editae sunt.
345.
(1293.) 25. Jul. - Lodomerius Archiepiscopus Strigon. Bald comitem Scepusiensem ad remmittenda in Jemnik Capitulo Scepus. duo iugera terrae provocat.
Lodomerius, miseracione diuina archiepiscopus Strigon., locique eiusdem comes perpetuus, prouido et honesto viro, amico karissimo Bald, comiti de Scepes, benediccionem paternam cum dileccione sincera. Cum capitulum ecclesie
Első
