Ladizlaum; dampno centum marcarum, per eundem Nicolaum fratrem suum interfeccione vnius Jobagionis eiusdem Domini archiepiscopi et wlneracione hominum quam plurimorum in eadem; Item dampno sexcentarum marcarum per ipsum Ladizlaum, in destruccione ville Sorlow perpetrato; recepcione quinquaginta pecorum in maioribus et minoribus et in destruccione ville Zordov, duos ex populis de eadem occidendo; ablacione sexaginta boum et decem equorum in villa Thoyth, per predictum Nicolaum; recepcione triginta boum et sex equorum per ipsum Ladizlaum; dampno viginti marcarum per eundem Johannem in villa Bersen; ablacione viginti pecorum, ouium, porcorum et caprarum trecentarum, per Ladizlaum in villa Vlued et occupacione eiusdem ville per spacium trium annorum, et Demum eiusdem ville combustione et effugacione populorum de eadem; ablacione duorum boum Nadal, Jobagionis Domini archiepiscopi; ablacione quatuordecim pecorum Bense de Zeteh per Ladizlaum; recepcione duorum equorum seruientis Comitis Mauricij, Iwan de Vruzy, pellium wlpinarum, arcus et pharetre et quindecim marcarum, que erat pecunia Domini archiepiscopi et eidem deferebat, per eundem Nicolaum; ablacione quatuordecim pecorum et duorum equorum Sixti, cognati eiusdem Iwan; racione Dampni trecentarum marcarum, per eosdem Ladizlaum et Johannem in villa Bezente; Item racione Ducentarum pecudum receptarum et quadraginta minorum animalium in uilla Germoth per Ladizlaum et Nicolaum; recepcione triginta boum et quinque equorum in villa Cheth et quadraginta boum et quindecim equorum in villa Wlued per eundem Ladizlaum; Item racione expulsionis populorum Domini archiepiscopi de Paztuh; dampno centum marcarum, recepcione boum et equorum ad sex aratra per ipsum Johannem in villa Bersen; ablacione viginti quinque boum et quindecim equorum in villa Berente per eundem; Item Dampno quindecim marcarum per eundem Ladizlaum et Nicolaum in villa Fornod; que omnia premissa et singula premissorum in litteris dictorum Cruciferorum et Capituli Waciensis, per ipsum Comitem Mauricium nobis exhibitis, inquisitorijs vidimus ad plenum contineri; et pro predictis debitis, dupplis et racione quatuordecim Judiciorum supradictorum et quintidecimi Judicij, in quo ijdem filij Comitis Stephani in octauis Cinerum, proxime elapsis (18. Febr.), non veniendo, nec mittendo coram nobis, insuper nouissime sunt conuicti: predictam possessionem, Kemence vocatam, in comitatu Huntensi existentem, cum suis vtilitatibus et pertinencijs vniuersis, in metis et terminis, quibus per eundem Ladizlaum et fratres suos possedisse dinoscitur, eidem Domino Lodomerio archiepiscopo Strigon. et per eum ecclesie sue archiepiscopatui, statuimus, dedimus et asignauimus sentencialiter, perpetuo et irreuocabiliter possidendam; super facto ciusdem possessionis tam ipsis filijs Comitis Stephany, quam eciam magistri Jacobi, eorum commetaneis et vicinis, omnem vlterius procedendi materiam Judicialiter amputantes