342.
1293. 25. Febr. - Comes Marcellus Vice-Judex Curiae Regiae, praemittens Nrum 340., possessionem Kemencze Lodomerio Archiepiscopo Strigon. sentencialiter adiudicat.
(N)os Comes Marcellus, vice Judex Curie Domini Regis, memorie commendantes, significamus tenore presencium, quibus expedit, vniuersis, quod Comes Mauricius, officialis venerabilis Patris, Domini Lodomerij, Strigon. archiepiscopi et Comitis perpetui loci eiusdem, pro eodem Domino archiepiscopo, cum procuratorijs litteris eiusdem sufficientibus, coram nobis personaliter comparendo, contra Ladizlaum, Johannem et Nicolaum, filios Comitis Stephani de Paztuh, exhibuit litteras quamplures et diuersas Judicum diuersorum et nostras, et specialiter Cruciferorum monasterij sancti Regis Stephani de Strigonio, tenorem hunc continentes:
Sequitur Nrus. 340.
Constitit eciam nobis in alijs litteris eorumdem Cruciferorum memorialibus, ut ijdem Ladizlaus, Johannes (et) Nicolaus pro dampnis et iniurijs, eidem domino archiepiscopo octoaginta marcas soluere assumpserant, partim in argento decime conbustionis, partim uero in estimacione condigna, in tribus terminis, videlicet In octauis asumpcionis beate (virgi)nis Marie (22. Aug. 1292.) triginta marcas, Item triginta marcas in octauis Omnium sanctorum (8. Nov. 1292.), et viginti marcas in octauis sancti andree apostoli (7. Dec. 1292.). Tali articulo interiecto, quod si primum terminum solucionis omitterent in soluendo, cum Regali Judicio soluere tenerentur, si uero secundum pretermitterent, incurrerent penam Duppli, et si in ipso tercio termino negligentes fierent in soluendo, eo tacto possessio eorum, Kemence vocata, sine strepitu Judicij, iuxta tenorem litterarum Domini Regis et Judicis curie sue, statueretur ad manus Domini archiepiscopi supradicti. de quibus octoaginta marcis nichil soluerunt, prout in litteris exinde contectis vidimus plenius contineri. Verum quia ijdem filij Comitis Stephani tociens citati, et per huiusmodi multiplices ammoniciones, compulsiones legitimas introduccionis possessionis eorumdem memorate. ]uri parere nolentes ad regiam presenciam, seu vice Judicum curie eiusdem et nostram venire neglexerunt, ut prehabitum est; nos in suo Jure nemini deesse volentes, maxime cum Crescente contumacia, cresscere, pena debeat, et quos timor Dei a malo non reuocat, saltim chohibeat pena temporalis: vna cum nobilibus Regni, nobicum (sic) in Judicio assidentibus, visis et perlectis omnibus litteris Domint archiepiscopi, in hac causa confectis, eosdem filios Comitis Stephani tam in factis principalibus, quam in dupplis et fudicijs decreuimus sentencialiter fore conuictos contra Dominum archiepiscopum supradictum, et pro tactis principalibus, videlicet dampno Trecentarum marcarum, in occupacione et detencione ville Bersen per predictum