et pecuniarijs causis voluerit conuenire, eciam coram ipsius ville villico, sicut et in alijs liberis villis regni nostri, si voluerit, consequi poterit iusticie complementum. Scientibus omnibus et pro firmo tenentibus, et specialiter nostro Huntensi Comite, quicumque alternis vicibus in Huntensem Comitem de liberalitatis regie munificencia fuerit sublimatus, quod maxime indignacionis regie aculeos sue desidie de cetero culpa, nostris tam pijssimis refragando mandatis, incurret, Si secus presumpserit, quod non credimus, attemptare, et quitquid contra eosdem ipsius ville, uel villarum Jobagiones, Iudicando ipsos inuitos, cum suo parere Iudicio nullatenus teneantur, idem Comes fecerit, uel decreuerit Iudicando; cassum penitus et irritum habeatur et actor, seu aduersarius, qui Citari fecit eosdem, a sua cadat penitus accione. Nec eciam huius nostri priuilegialis indulti quesitam in fraudem reconueniri possint et debeant dicte sancte Strigoniensis ecclesie Jobagiones ville predicte, nec fideiussores prestare cogantur, ut respondeant reconuenienti coram Huntensi comite, uel alijs Iudicibus, in quorum presencia ipsi villani de Zebheleb urgente necessitate compulsi, iusticiam consequendi conuenire alios forsitan suis vicibus compelluntur; quoniam, sicut nolumus dictos Jobagiones nostre sancte Strigoniensis ecclesie coram alijs regni nostri Iudicibus, seu quibuscumque Comitibus conueniri; sic eciam ipsos sepedictos ecclesie nostre Jobagiones de Zebheleb nec agentes contra alios iudicij in figura, in ipsorum comitis videlicet Huntensis et aliorum presencia quorumcunque Comitum reconueniri permittimus, auctoritate presencium coram ipsis; ne nostre tam iustissimum, tamque deuotissimum serenitatis indultum priuilegium, multa nostrorum Baronum, ac sublimium optimatum regni nostri, seu procerum consilio maturiore decretum, quod. firmissimum esse volumus omni euo, saltim taliter indirecte ualeat lacesciri. Adicimus eciam presentis nostri priuilegij per tenorem, quod nullus prorsus Baronum regni nostri, videlicet nec noster Comes palatinus, nec Iudex Curie nostre, nec magister Thauarnicorum, nec quispiam alius nobilium regni nostri, quacumque prefulgeat dignitate, descensum suum presumpmat facere super villam eandem Zebheleb sepedictam, quod si quisquam contra hoc nostrum indultum venire presumserit, reus dati dampni sancte Strigoniensis ecclesie eo ipso, quod descensum in dicta villa fecerit, comprobato per omnia ad iuramentum Iudicis, ac quatuor Juratorum dicte ville, tamquam si alijs legittimis probacionibus de consuetudine regni nostri conuictus extiterit, puniatur. Hoc idem dicimus de predonibus et latronibus regni nostri, qui dictam villam offenderent spoliando, uel aliquos Jobagiones, aut aliquem ville eiusdem commeantes, aut transeuntes negociacionis sue pro causa per regni nostri itinera, forsitan spoliarent. Verum ubi dampna maiora infligerentur toti ville, aut aliquibus villanorum; tunc Sancte Strigoniensis ecclesie decano adiuncto, quantitatem et qualitatem dampnorum Suorum Juris