207.
1287. - Frater Dominicus Magister et Conventus Cruciferorum Strigon., Comitem Nicolaum, Georgium et Turdos, filios Comitis Phylpus, nobiles de Moroth, magistro Nicolao et magistro Petro, nepotibus Weech, terram eorum haereditariam Thuteus quinque marcis vendidisse testantur.
Wenzel Cod. Arp. IX. 459.
208.
1287. - Frater Dominicus, Magister et Conventus Cruciferorum Strigon., Stephanum nobilem de Sarou terram quamdam vendidisse testantur.
Fejér Cod. dipl. V. III. 386.
209.
1288. 19. Jan. - Capitulum Strigon. super venditione partis terrae Palást Comitatus Hontensis, "per manus magistri Cypriani Lectoris" Strigon. literas dat decimo quarto kalendas Februarii.
Wenzel Cod. Arpad. IV. 326.
210.
1288. 21. Mart. - Ladislaus IV., omnes mercatores tam intraneos, quam extraneos ad persolvendum Capitulo Strigon. telonium compellit.
Ladizlaus, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Vniuersis xpi. fidelibus, tam Regni nostri incolis, quam exteris, presentem paginam inspecturis, salutem in largitore salutis. Quoniam regie celsitudini congruit, ius suum unicuique tribuere, hac omnia in statere iusticie cercius equa lance librare; profecto quos amor iusticie, necnon zelus debite racionis ad iusticie congruenciam non allicit, nec inducit, euagari non debet illicite Regalis trutinium equitatis, ne gyrovagata libertas effrenis licencie, debitum iusticie uiolandi pro uoto cuiuslibet ac interpretacione libitoria, iuris exigenciam minuat et eneruet. Cum priuilegia seu Regales pragmatice sancciones, que sacrosanctis presertim ecclesijs a sanctis nostris progenitoribus, quibus plurima saluatoris clemencia
Első
