206.
1287. - Capitulum Nitriense, Geroldum de Koros, Martino magistro Tavarnicorum Matthei de Chak possessionem Alsó-Berencs cum vineis et terris in Pográny centum triginta marcis vendidisse testatur.
VNiuersis xpi. fidelibus, presentem paginam inspecturis, Capitulum ecclesie Nitriensis salutem in salutis largitore. Ad vniuersorum noticiam tenore presencium uolumus peruenire, Quod Geroldus, filius Geroldi, frater Renoldi, nobilis de Kurus, ab una parte; Martinus, filius Bugar, magister Tauarnicorum Mathei quondam palatini, ab altera, coram nobis personaliter constituti, idem Gerolth quasdam possessiones suas, vnam scilicet inferiorem Berench uocatam, ab utraque parte fluuij Nitrie sita (sic) et adJacentem et septem vineas, ac terras suas arabiles, in Pagran existentes, a Nicolao, filio Johannis, nepote Debes, cognato suo karissimo, coniugeque eiusdem Nicolay, de hoc seculo migrante, racione proxime successionis sibi legitime deuolutas, cum omnibus vtilitatibus et pertinencijs earumdem possessionum, sub eisdem metis et terminis, quibus idem Nicolaus habuit et possedit, eidem magistro Martino, filio Bugar, et posteritatibus eiusdem successiuis, pro centum marcijs (sic) et triginta marcis, ab eodem plenarie receptis, presentibus Nicolao, filio Chete, Mauricio filio Andree, Erdeus cura filijs suis, Nicolao scilicet et Thoma de Berench, Leustachio filio Kothmanni similiter de Berench, sicut generacionibus et commetaneis; Beles, Ladislao et Johanne filijs Balasey, Baas pro se et pro Petro fratre suo, Egidio filio Egidij nobilibus de eadem kurus, tamquam generacionibus, ac Paulo filio Ipoliti commetaneo de eadem Berench; Alexandro filio Galus et Leustachio de Sceulus, ipsisque consencientibus, ac permittentibus, et non contradicentibus, ymo beniuolum fauorem prebentibus; astantibus eciam et presentibus multis probis viris ydoneis et specialiter eciam Benedicto et Stephano filio eiusdem, ac Nicolao dicto Fodor de Irmel; confessus est coram nobis, uendidisse irreuocabiliter in perpetuum possidendas. Obligans se insuper idem Geroldus, ut si racione predictarnm possessionum prenominatarum magister Martinus, uel sui heredes per quempiam in futurum impeterentur, defendere et expedire teneretur eosdem proprijs laboribus et expensis, ipsis possessionibus in ius perpetuum predicti magistri Martini remanentibus et suorum heredum; cui (sic) quidem terre inferioris Berench, ab utraque parte fluuij Nytrie exemptis (sic) sicut ab eodem Geroldo didicimus et recollegimus, metee hoc ordine distinguntur: prima meta incipit iuxta fluuium eiusdem Nitrie sub vna arbore piri a parte Nicolai predicti, filij Chete; deinde tendit parumper ad partem orientalem et ibi (est) meta, per quam metam uadit uersus fluuium Cheten directe per tres metas usque ad metam Capitalem, que separat a terra ville Cheten et deinde ibit infra directe ad quoddam nemus, iuxta quod nemus est meta et deinde per idem nemus uadit vltra, quod nemus est meta

---