quos quilibet hospitum de Calidis aquis dare et Soluere consueuit annuatim, pari voto et consensu fratrum, pro decem marcis fini argenti vendidimus ipsi Comiti Symoni et per eum Suis Heredibus, Heredumque suorum in posterum successoribus, iure Hereditario et irreuocabiliter possidendam; ita uidelicet, ut tam ipse Comes Symeon, quam sui Heredes, Heredumwe suorum successores A iuridinone (sic) magistri et omnium fratrum nostrorum racione Situs Curie memorate et prouentuum suorum, liberi et exempti penitus Habeantur. In cuius rei memoriam, perpetuamque firmitatem presentes concessimus litteras, cum pendentis sigilli nostri munimine roboratas. Datum Anno Domini M°. C°C°. Octuagesimo Sexto.
Sigillum integrum e cinericio serico pendet Orig. in Arch. Cap. Scepus. priv. Scrin. 2. fasc. 7. Nr. 27. - Extr. Fejér Cod. dipl. V. III. pag. 339. - Super eodem negotio habentur literae Capituli Budensis de eodem anno, quarum originale in eiusdem Capituli Arch. publ. Scrin. 9. fasc. 3. Nr. 11. asservantur, in his praeter Magistrum domus commemorantur adhuc Jacobus Decanus ecclesiae eiusdem et frater Bank Prior de calidis aquis; has edidit correcte Fejér ib. pag. 327.
195.
1287. 12. Mart. - Honorius PP. IV., Archiepiscopo Strigon., de cuius circumspectione et examinata probitate confidit, iniungit, ut Regem a nefandis erroribus retrahat et ad viam salutarem studiosa operacione reducat atque contra Tartaros, Sarracenos, Neugerios et Paganos, si damnatos suos conatus contra cath. fidei professores exercitare voluerint, verbum crucis proponat. - Datum Rome apud s. Sabinam 4. Id. Mart. P. a. 2.
Sub eodem dato ipsum etiam Regem adhortatur.
Item committit eidem Archiepiscopo, ut Regem per censuram ecclesiasticam ad recipiendam e carcere Reginam conpellat.
Item Regibus Romanorum, Bohemiae, Poloniae et Sclavoniae Ducibus, atque omni Clero et Populo Regni Hung. iniungit, ut eidem Archiepiscopo contra dictos Paganos assistant,
Porro eidem Archiepiscopo demandat, ut vigiliis sedulis studeat Reginam de carcere moeroris educere, ac restituere plenariae libertati.
FejérCod. dipl. V. III. 358.; Theiner Mon. Hung. 1.354. - Literae Regi sonantes non videntur expeditae fuisse, in Registro enim originali ad marginem adnotatur: "Ista littera postquam fuit bullata et registrata, fuit remissa domino pape et postea mutata; sed nondum remissa ad regestum." Expeditae sunt anno futuro per Nicolaum PP. IV.

---