pro tempore quibusdam concesserimus ad utendum et fruendum; perpetualiter tamen nulli, preterquam magistro Paulo preposito in presenti; et quia nostre maiestatis Bulle propter plurima de eisdem, preter nostra mandata, nostre teneritatis perniciose commissa in tempore, nobis, de beneplacito tocius Regni nostri, mandantibus, abrogate fuerunt et incise; Vnde si qua apparerent super eo priuilegia alia, illa penitus inania et uiribus decernentes vacuata; concessimus, dedimus et donauimus sibi, suisque successoribus, heredumque heredibus et deinceps, perpetuo possidendas; dantes eidem liberam facultatem alienandi, uendendi, cumque alia possessione permutandi cum ecclesiastica uel priuata persona, donandiue inter uiuos, uel eciam in testamanto relinquendi, ecclesie nominatim, uel persone ecclesiastice, si uoluerit, uel alijs hominibus, uel personis extraneis, uel suis agnatis, seu cognatis, cuicunque et quandocunque uoluerit, cuiuscumque alienacionis transferre titulo, irreuocabiliter perpetuo possidendas. In cuius rei testimonium efficax et perpetuam firmitatem, presentes nostras priuilegiales concessimus litteras, sigilli nostri dupplicis karactere communitas. Datum per manus magistri Theodori, prepositi Zebeniensis, aule nostre vicecancellarij, dilecti et fidelis nostri. Anno domini M°. CC°. LXXX°. VI°. Indicione quarta decima, Mense nouembris, Regni autem nostri quintodecimo.
Fragm. sigilli e rubro serico pendet. Orig. nitide exaratum, in Arch. Cap. Strig. priv. Lad. 18. fasc 2. Nro. 1. - Extr. Fejér Cod. dipl. V. III. 321. - Ed. Cod. Strig. II. 153.; Wenzel Cod. Arp. IX. 440.
194.
1286. - Cruciferi Strigon., Comiti Simoni pro servitiis exhibitis terragium Curiae suae Budensis relaxant.
(V)Niuersis xpi. fidelibus, presentes litteras inspecturis, frater Dominicus, magister Domus Hospitalis sancti Regis Stephani de Strigonio et conuentus eiusdem ecclesie Salutem in domino sempiternam. (A)d vniuersorum noticiam tenore presencium volumus peruenire, Quod quia post insultum et rabiem Tartarorum, destructis et annichilatis fere omnibus prouentibus et possessionibus ecclesie nostre, ita, ut tam nobis, quam eciam ecclesie nostre et domui nostre transmarittime, in Akur (sic) existenti, ac fratribus, in eadem commorantibus, de reditibus ecclesie nostre minime succurrere et prouidere valeremus et Maxime quod fratrem Athilam ipso tempore in domum nostram predictam, in Akur existentem, debuissemus destinare, Comiti Symoni, filio Sebastiani bone memorie, de kezv, quendam fundum Curie, quem a Stephano, Nepote Tekew, peccunia conparauit, cum terragio et omnibus prouentibus,