193.
1286. Mense Nov. - Ladislaus IV. magistri Pauli, Praepositi Vesprimiensis, peractas in Curia Romana legationes, collatione villarum regiarum Némethi et Tóthi remuneratur.
Ladizlaus, dei gracia Hungarie, Dalmacie, Croacie, Rame, Seruie, Gallicie, Lodomerie, Bulgarie, Cumanieque Rex, omnibus, tam presentibus, quam futuris, presentes litteras inspecturis, salutem in largitore salutis. Quum Regum et mundi principum reuerencie congruit et honori, ut suos subiectos de bonis efficere studeant summo opere meliores, non solum metu penarum; verum magis exortacione uberrima premiorum, ut in suis illustret largicio principalis zelum fidei purioris munificencijs donatiuis; cum nichil ipsis causandum esse credatur, quibus plurima dominus condonauit et multorum dominio protulit, ac regalis troni fastigijs quodam quasi singulari miseracionis diuine consilio presigniuit occulto, ut humana condicio ipsius, iugiter a primeuo libertate nature nulli prorsus obnoxia, regum et mundi principum submittatur imperio obnoxius seruitura, exemplo sanctissimo euangelice ueritatis, que maiora et plurima pollicetur ministris et seruis fidelibus, qui in sibi traditis seu creditis, licet exilibus et minutis, zeium exhibuerunt operis per effectum propensioris diligencie, seu fidei illibate. Hinc est, quod cum honorabilis et peritus vir, magister Paulus, Wesprimiensis prepositus, legum doctor, qui nostro regno, nobis et corone a suis progenitoribus obsequiosus exstitit et fidelis, ac nostris et regni nostri in seruicijs uarios labores sollercius pertulit et erumpnas, eciam maria transfretando et in Romanam curiam frequencius nostris in obsequijs transeundo, ac una presertim uice suis proprijs sumptibus et expensis, cercius sibi commissa semper inuiolate in rore fidei sedulis obsequijs comprobauit, nos celsitudinis regie de gracia liberali uolentes ipsius magistri Pauli prepositi deuocionem et fidem largitis beneficijs ampliare, intendere et, ut congruit, repensare dampna, que pertulit, plurima, nostris obsequijs manci patus corone per obices et rebelles; duas eidem villas Regias, liberas, quas hospites regni nostri incolunt, videlicet Nempty et Thouty, prope Corpona constitutas, ab una parte paucis intermedijs villis, ab alia uero prope villam Capituli Strigoniensis, Zebheleb vocatam, positas, collocatas et sitas supra viam magnam, qua itur in Zebnech-Bana, uel argenti fodinam, sic uocatam, cum telonio, uel tributo solito et usitato Regali, quod in ipsis exigi consueuit ab antiquo, exemptas et exceptas a iurisdicione cuiuslibet omnino comi tis, uel iudicis et specialiter comitis nostri de Zolum, qui pro tempore fuerit regie de maiestatis indulto, in omnibus ciuilibus et criminalibus causis, tam nunc pendentibus, quam futuris, realiter et perpetuo eximentes; illo eciam non obstante, si qui forte nostre serenitatfs priuilegia exhiberent super donacione predictarum villarum, a nobis consimili sibi facta; quia etsi easdem