51. fasc. 1. Nro. 12. - Memorat Fejér Cod. dipl. V. III. 339. - Ed. Cod. Strig. II. 151.; Wenzel Cod. Arp. IX. 446.
192.
1286. 15. Aug. - Capitulum Strigon., transscribit et approbat Nrum. 191.
A. B. C.
Vniuersis, presentem paginam intuentibus, magister Benedictus, doctor decretorum, prepositus, et Capitulum ecclesie Strigon. salutem in domino Sempiternam. Bone rei dare consultum et pio operi subuenire, et presentis uite subsidium et eterne remuneracionis premium cernitur expectare. Eapropter nouerint uniuersi, presentes pariter et futuri, Quod venerabilis pater, dominus noster, dominus Lodomerius, dei gracia Strigon. archiepiscopus et comes perpetuus loci eiusdem, de nostro consensu, beneplacito, consilio et assensu, plebaniam altaris sancte Lucie virginis, in campanili nostre ecclesie existentis, quam olim dominus Stephanus Cardinalis Episcopus Prenestinus, tunc temporis videlicet archiepiscopus Strigon., pie recordacionis, pro refrigerio anime comitis Vrbazij, patris sui, construi fecerat et salubriter ordinarat, in persona discreti viri Marcelli, custodis ecclesie nostre, custodie Strigoniensi duxit annectendam irretractabiliter et in perpetuum uniendam, vna cum terra, vrkuta uocata, et duabus vineis, in usum ministeriorum eiusdem altaris concessis; in hijs et in alijs idem dominus noster Lodomerius archiepiscopus nostre ecclesie prospiciens meliora. Nosque ipsius domini Lodomerij archiepiscopi annexionem et unionem huiusmodi ratam et gratam habentes et confitentes, pie ac prouide esse factam; ob maiorem certitudinem nostre beniuolencie et ratificacionis, ac approbacionis in signum, Priuilegium eiusdem, super hoc facto confectum, ad vberiorem cautelam de uerbo ad uerbum in tenorem presencium redigi fecimus et transcribi. Cuius quidem Priuilegij tenor est talis.
Sequitur Nrus. 191.
Nos igitur, ut huius unionis et annexionis series robur obtineat perpetue firmitatis, nec per quempiam hominum vllo umquam tempore eidem vnioni et annexioni ualeat aliquatenus obuiari; presentibus litteris Sigillum nostrum apponi fecimus et appendi. Datum per manus discreti viri, magistri Cypriani, ecclesie nostre lectoris, anno domini M°. CC°. LXXX°. Sexto, XVIII. kalendas Septembris.
Sig. e viridi et flavo serico pendebat. Duo Orig. in Arch. Cap. Strig. priv. Lad. 51. fasc. 1. Nro. 13. et 14. - Literae incisae in duobus his exemplaribus reipsa conveniunt. - Ed. Cod. Strig. II. 152. - Wenzel Cod. Arp. IX. 448.
Első
