191.
1286. 10. Aug. - Lodomerius Archiepiscopus Strigon., Altariam S. Luciae, a Stephano Vancsay praedecessore suo fundatam, Custodiatui Strigon. annectit.
Lodomerius, diuina miseracione sancte Strigoniensis ecclesie archiepiscopus, eiusdemque loci comes perpetuus, vniuersis xpi. fidelibus, presentes litteras inspecturis salutem, in actore salutis. Pie mentis applectenda deuocio eo est benignius prosequenda, quo sancciori proposito talentum, a domino temporaliter acceptum, in salutis ministerium pro animarum remedio commendatur, ut beneficio temporali, in spirituales usus assumpto, resoluto corpore, nutriatur anima, fomentis spiritualibus delinita. Dudum siquidem venerabilis pater Stephanus, episcopus Prenestinus, tunc archiepiscopus sancte Strigoniensis eo clesie, felicis recordacionis, pro remedio anime patris sui, comitis vrbazij, cuius corpus intra porticum ecclesie Strigoniensis traditum extitit sepulture, intra campanilia supra uultam in honore beate Lucie virginis construi fecit altare, illud pontihcali ministerio dedicando, collatis ad ministerium eiusdem altaris et stipendium presbiteri ministrantis, pro remedio anime patris sui, duabus vineis, intra territorium vinearum de Strigonio, et terra Vrkuta vo cata, prope Strigonium, cum omnibus utilitatibus suis, silua, feneto et ceteris appendicijs, sicut in ipsius priuilegio, exinde confecto, plenius continetur; ut in laudem dei et salutem anime patris sui in eodem altari misse celebracio pro quiesscencium spiritibus non deesset; et quia defunctorum pias voluntates pontificali semper decens est studio adiuuari, ut crebra fiat salutis oblacio et intensius uigeat deuota collacio tribuentis; Ipsum beneficium in persona viri discreti, deo deuoti, Marcelli presbiteri, custodis ecclesie nostre Strigoniensis, non tam personaliter, quam realiter, ipsi scilicet custodie, cuius erant redditus tenues et exiles, per quem eciam et successores ipsius ad ipsum personatum dictum misse officium credimus et speramus vberius et frequencius exerceri, de omnium fratrum nostrorum beneplacito et consensu perpetuo duximus annectendum; Ita, ut diebus singulis, salua honestate sua et debita deuocione, per se, uel vicarium sacerdotem, nisi impediente infirmitate corporis, celebrare debeat, uel faciat celebrari, iuxta formam, antiquitus ab eodem domino Stephano, tunc archiepiscopo Strigoniensi, patre venerabili, constitutam; taliter ipsum beneficium personatui vnientes; ut vtrimque alteri consulatur ex altero, et prouisio paternalis magis excrescat, quam decrescat in exsecutionibus diuinorum. In cuius rei memoriam, perpetuamque firmitatem presentes litteras concessimus, munimine nostri sigilli roboratas. Datum Strigonij in festo beati Laurencij martiris, Anno domini M°. CC°. LXXX°. Sexto.
Sig. e serico flavo et viridi pendebat. Orig. in Arch. Cap. Strig. priv. Lad.